65 ميليون ايل اؤنجه نسلي كسيلن اوچان دايناسورلارين سون امپراطورونون قوللوغونا صميمي هافيلتيلاريمي سونورام! هاف... هاف... هاف...!

«تي ركس» جون! (1) هارداسان اؤزونو گؤستر؟ گل گؤر تحريف اولونماميش بير سن قالميشدين! سنين بيرده سنه اوخشايان دايناسورلارين دليندا نه فيلملر اويناييب نه پوللار قازانديلار؟ نه­لر دئديلر نه­لر دئمه­ديلر؟ ايندي ده ...! ايندي ده دايناسورلاري اوچ يئره بؤلوبلر، اوخو گؤر نه اويونبازديلار بونلار؟

بيرينجي بؤيوك بؤلوم سيزلرسينيز. هردن سوموكلرينيزين چوروموش- اپريميشين تاپيب سئوينجله دونيايا ياييرلار. گؤرن اؤزونوزو ديري- ديري گؤرسه­يديلر ده بئله سئوينرديلر يوخسا قورخولاريندان ديللري توتولاردي؟

ايكينجي بؤلومون ناغيلي وار، دئمه­سم باشا دوشمه­ز­سن «تي ركس» جون! گونلرين بير گونونده «ناصير» آدلي بير نفرين باجي­سين تهرانا اره وئرديلر. او تهرانا گئده­ندن سونرا قاشلارينا تاتو دؤيدورور، باشينا مئش قويدورور هله اونلار ايله ايشيم يوخ! (2) اؤنملي مسئله اونون اوشاقلاري، ناصيرين باجيسي اوشاقلاريدير! بو اوشاقلار كنده هر قوناق گلديكجه ناصيره، ناصير دايي دئمك يئرينه دايي ناصر دئييرديلر يامان دا آنالارينا بنزه­ييرديلر چونكو هاميسي قاشلارينين آلتين گؤتورتدورموشدولر! (3) ناصير ده هر نه بو اوشاقلاري دانلاييردي اونلار سايماييرديلار. اوشاقلار بؤيودوكجه باشلاديلار هر زادين مخففين دئمه يه، «بابا» يا «بااا»، مامانا «ماان» و ... دايي ناصره «دايناصر» دئديلر!! بو دايناصر كلمه سي ياواش- ياواش قونوم-قونشونون آغزيندا «دايناسور» كلمه سينه چئوريلدي! ايندي هله ناصيرين باجي اوشاقلاري هئچ، كند اهلي ده ناصيري «دايناسور» سسله­ييرلر! قورخورام بو ناصير ده بير گون اؤلسه دئيه لر دايناسورون نسليندن ايدي!

اوچونجو بؤلومو آچيقلاماغا اؤز عرضي حاليمي سؤيله مك گركير! «تي ركس» جون! دوزون آختارسان من «آغ بولاق» كندينين آوارا، صاحيبسيز ايتلرينين بيريسي يم. من ايييرمي گون اؤنجه اؤلموشدوم آمما منيم اؤلومو سنه اوخشاديب ملي رسانه­دن دونيايا مخابره ائديب دئديلر: «بو دايناسورون اتي ده چورومه ييب، سانكي نئچه گون اؤنجه اؤلوب بلكه­ ده بير زامان ياخينداكي كؤهولده ياشاييرميش اؤلوسو بئله ساليم قاليب!!» بو بعضيلري بيلمه­ديلر سوموك ده 65 ميليون ايل ساليم قالماز هاندا قالسين ات!!! آخي مني دويان اولسايدي، اسكلتيمه ديققت ائدن اولسايدي اؤلو سللوللاريمين ايچيندن هاف-هاف سسيمي ائشيده بيلردي آمما يازيقلار اولسون!

«تي ركس» جون! اؤزونو گؤستر بعضيلري اوچان دايناسور ايله منيم كيمي ايتين فرقين بيلسينلر. يئنه ساغ اولسون «خياو» ين «آغ بولاق» كندينين دوشونن اينسانلاري! اونلار منيم لئشيمي گومان بيليم يورد اوستادلارينا گؤستريبلر، گؤسترمه­سه­يديلر سه ايندي موزه­لرين بيرينده­يديم! ملي رسانه ايله رسمي خبرگزاري­لرين خبري ايندي دونيانين بوتون «تافونومي» و دايناسور بيلگينلرين بورايا چكه­جه­يدي! اونلار دا گليب منيم اييله­نميش لئشيمي گؤروب ايييمدن حظ ائده­جه­يديلر گومان! بلكه ده اوركلري بولاناجاق ايدي، هاري نوخوشچولوغون دا اؤزلري ايله اؤلكه­لرينه سؤوقت آپاراجاق ايديلار. بيلميرم بلكه ده ماموتون اسكلتين جيبلرينه قويوب اونو موزه­دن چيخاردان اوغرولار گليب مني ده جيبلرينه قويوب موزه دن چيخارداجاق ايديلار!!

عزيز «تي ركس»! منيم كيمي آوارا ايت هله ده چؤللرده، كندلرده، شهرلرده و ... ياشاييرلار. اونلار زمانه نين سيچاندان قورخان پيشيكلري كيمي آيين- شايين كوچه باشي­نين زيبيللري ايچيندن يئمك تاپيب يئمه­يه مشغولدولار، هردن ده گليب هوررلر. اييله­نميش جنازم عرض ائله­سين اوچان دايناسورلارين سونونجو امپراطورونا، اونلارين بدني جوره به جوره مريضچيليك داشييير. شهرداري، دهداري، محيط زيست، بهداشت ايداره سي و ... بو ايتلري ييغماغا مسئوليت گؤسترمير. قورخورام اونلاردا اؤلدوكجه ملي رسانه يئني بير دايناسورون اسكلتي­نين تاپيلماسين دونيايا يايا!

«تي ركس» جون! كئشکي موبايل 65 ميليون ايل اؤنجه اختراع اولايدي اوندا بعضيلري گؤرردي اوچان دايناسور هارا آوارا ايت هارا؟ ايندي نسلين قيريلماسايدي منيم ساغليغيمي گؤرسه­يدين مني نئيلردين... يئمزدين كي؟ هن...؟ هاف... هاف... هاف!

+ نوشته شده توسط پیس اوشاق در شنبه بیستم اسفند 1390 و ساعت 15:43 |

سون پيشيك: ميووووووو!

بئكار: به به ! نه ده ناز پيشيكدير! گل بورا گؤروم ...

س.پ: من ناز پيشيك دئييلم، پيس سؤزلر خودمختارليغي­نين اؤزل ژورناليستي سون پيشييم!

ب: من ايله نه ايشين وار؟

س.پ: بير نفر بئكار آدام آختاريرديم دانيشيق آپارماق اوچون!

ب: آمما من بئكار دئييلم ائولنميشم!

س.پ: ميو... يوخ! منظوروم ايشسيز آدامدير.

ب: آهان! من ده دئديم به توركيه­دن گليبسن، آخي اوردا سوبايا بئكار دئيرلر، هله نه عجب بئكارلاريدا ياد ائدن اولدو؟

س.پ: سن پيس اوشاغين بئكارلار ليستينده وارميسان، يوخموسان؟

ب: من هئچ مسئوللارين دا ليستينده يوخام هاندا قالسين پيس اوشاغين ليستي! اونون ليستي ايشلي بئكارلاريندير آمما من ايشسيز بئكارام!

س.پ: سنين بئكارچيليغين نئجه دير ... خوش كئچيرمي؟

ب: پيس دئييل آمما يالنيز جمعه­سي یوخدوردا... سحردن گئدرم ايش آختارماغا، ايش اولماز يورولوب گلرم كوچه باشين كسرم، اوتانديغيمدان ائوه گئتمه­ييم گلمز... آخي قيزيم دئييب آتا! ايش تاپسان شيرنيسينه منه قولچاق آلارسان! آمما ...

س.پ: نه دن؟ سن باشارديغين ايش بو مملكتده يوخدورمو؟

ب: من باشاران ايش چوخ، من تانييان پارت يوخ...

س.پ: پی! بئكارچيليغين چتينليكلريندن دئ!

ب: بئكارچيليق بير طرفه دالي دوشموش قیسطلاريم بير طرفه.

س.پ: نه قیسطي؟ وام گؤتوروب بئكارچيليقدامي خرجله ييبسن؟

ب: يوخ پيشيك! زود بازده وام آلميشديم ايندي قالميشام قیسطلارين نئجه اؤدويم؟

س.پ: وامين پولون نئيله ييبسن؟

ب: وام دئينده بؤيوك پول دئييل ها، او پول ايله بوگون هئچ ايش گؤرمك اولماز، بير داش ايدي آتديم دا ... ايكي- اوچ آي ايشي دولانديرديم آرتيق داليسين يئتيره بيلمه­ديم!

س.پ: آمارلاردا بئكارلارين سايي آزاليب، سن او آزالانلارين ايچينده دئييلسن مي؟

ب: هاراسي آزاليب؟ صيفيرلاري آزالتماق اؤلكه ميزده مد اولاندان، پوللارين صيفيري، ايشسيزلرين صيفيري، تورم ايله بوشانماغين (طلاق) صيفيري و ... گؤتورولوب ...

س.پ: ميو، آخي اولماز كي! بو صيفيرلار به چرخه طبيعي دن چيخيب هارا گئديب؟ اؤز- اؤزونه دئييل كي، آرادا حساب- كيتاب وار!

ب: هه ه ه ه ه! ايندي گلدين اصل مسئله­يه! بو صيفيرلار آوارا قالماسين دئيه، چوخو گليب قاز قبيضلرينين اوستونه، بير آزي ائولنمك آمارينين اوستونه، بير آزي ...

س.پ: ميو ... ميو! يئتر! خودمختارليق اوچ صحيفه­دن چوخ اولاندا سانسور اولور، دئ گؤروم هاردا بئكار چيليغين آماري هر يئردن چوخدور؟

ب: اهرده!

+ نوشته شده توسط پیس اوشاق در شنبه بیستم اسفند 1390 و ساعت 15:42 |

سايين بئكار آداملار......!!! هه....! آجيغينا گلديمي؟... بير بارداق سرين سو ايچسن هم كئفين دورولوب حؤصلن يئرينه گلر همي سرينله­يرسن! بئكار اولماسايدين خودمختارليقدا نه­يين واريدي آخي؟ كيمسه­نين آجيغينا گلمه­سين دئيه بئكارلاري (ايشسيزلري) نئچه تيپه بؤلموشم، اوخوسان گؤررسن ائله سن اؤزون ده بئكارسان!


1) دونيا يا گلنلر

بو يئمه­لي كؤرپه­لر اؤلكه­نين ديلسيز-آغيزسيز بئكارلاريديرلار! بو جيجي بالالار ديل قانميرلار يوخسا بيله­لرينه دئيرديم: آخي بو زمانه­ده ده دونيايا گلرلر؟ قورو سوت يئمه­يه تله­سيردين مي؟ بيليرسن سنين گلمه­يين آتا-آنانا نئچه­يه باخدي؟ هئچ بيليرسن آتا-آنان اؤز ايسته­ديكلري آدي سيجيللينده يازديرماغا نه­قدر اللشديلر سونوندا دا اولمادي؟!! آنجاق ائله قورو سوتدن يئي اؤزونو باتير، هئچ سنه وئريلن يارانه ايشلتدييین سويون پولون اؤده مير!

2) درس اوخويانلار

بو تيپ بئكارلارا ائله يانيرام، لاپ زهله­مي آپاريرلار زهله­سيزلر! بونلارا دئين يوخدور آخي يازيقلار! پارتيز اولماسا اوخودوغوز درس نه درديزه دَيه­جك؟ اصلن اوخودوز، اولدوز ميرزاغا گولشچي... يئنه ده معطل قالاجاقسيز داي! اودوربا... ميرزاغا گولشچي شيميدانليق حددينده شيمي اوخويوب، درس چؤرك يئييب اولوب بير دري بير سوموك، نه اولسون؟ پارتيسی اولسایدی ساوادسيز بئله، آغا مهنديس ميرزا آغا گولشچي ايدي، پارتي اولماسا نئجه... هامي «شيمي فوق ليسانسي­سانمي؟» دئييب گوله­جك بيله­سينه!

3) مئتيرچيلر

مئتير كرخاناسيندا ايشله­ين بو تيپ بئكارلار خياوانلاري اويانا مئتر، بويانا مئتر! نئيله سينلر... بيرينين اوقات فراغتي اولماسا ائله خياوانلاري اؤلچر داي!

4) قان چاناقلاري

بو تيپ بئكارلار ديل ايله گل اولان ديشي يومورق ايله اوووب تؤكرلر طرفين قارنينا، سونرادا آغ ساققال- آغ بيرچك آختارارلار واسیطه اولماق اوچون. بونلارا دئمك اولماز كي آخي بئكارسان، ايندي ساواشماق زمانه سيدير؟ دئسن آياقلار بيله­ني!

5) مريضلر

بو تيپ بئكارلار بالاجا باش آغريسيني دؤكتورون الي ايله بؤيودوب اؤزلرينه ايش آچارلار، دؤكتورلرين جيبلرينه پول! سونرا تاپديقلارين داوا- دؤكتوره خرجله­ييب دوغرودان باش آغريسي توتارلار.

6) سيقنالچي­لار

بو تيپ بئكارلار فرمان داليندا اوتوراندان آرابادان ائنه­نه كيمي سيقنال چالارلار، خط واحيد دوراغيندا اوتوبوس گؤزله­نيلره، خياواندا دايانانلارا سيقنال چالارلار، آدي مسافير آختاريرلار آز قالا ائوينده قيچلارين اوزالديب اوزانانلارا دا سيقنال چالسينلار! هله بونلارين بعضيلري لاپ ميرتديلار، بو بعضيلري خياواندا گئدنده، هئچ آرابايا پيشيك يولو وئرمزلر آمما ايندي هامان آرابالارين بيرينین قاپيسيي آچيق قاليب يا دا چيراغلارينين بيري ياددان چيخيب يانيق قاليب طرف الين باسار سيقنالاكي باشي سويوق شوفئري قاپي­نين آچيق قالماسين يا چيراغين يانيق قالماسين باشا سالسين! البته بو بعضيلري اؤزلرين كيلاسلي بيليرلر آمما كيلاس آراباني ياسال (قانوني)، دوزگون سورمكدير سونرا بوجور ايشلر.

7) عاشيقلر

ايستر قيز اولسون ايستر اوغلان، بو تيپ بئكارلار بو زمانه­ده اؤزلرينه ايش تاپانماييب بيرين سئورلر! آرتيق صاباحين فيكرينده دئييللرها، ائولنسه­لر نه ضامينلري وار وام گؤتورسونلر، نه آرابالاري وار، نه ائولري، نه دوز-عمللي ايشلري نه ده... ، آي بالا بئکار قاليبسان؟ دوز گئت دوز گل داي، نه سئويب سئويلمه­يي؟

8) ائولننلر

بو تيپ بئكارلار لاپ ائله بئكار اوغلو بئكار ديرلار، دئييرم: قارداش! سيككه­نين قيمتي ترمز قيريب بيلميرسن مي؟ ايندي سيككه جئيران داغيندا اولا- اولا سن نه­يه او داغا ديرمانيرسان؟

9) آمار وئرنلر

بو تيپ بئكار آداملار یانليش-يونلوش عددلر ايله جماعتين باشين قاتماقدا اوستاد بئكار ساييليرلار. بو بئكارلار بير گون آذربايجانين كندلرينين آماريندا بير- بيرلري ايله ساواشيرلار، بير گون بير بئكار دئيير: اؤلكه­ده يوزه اوتوز ايشسيز وار! باشقاسي صيفيرلاري حذف ائله مكدن مد گؤتوروب بير صيفير آزالديب دئيير: يوخ، اؤلكده يوزه اوچ ايشسيز وار! بير بئكار دئيير: تورم بير رقمي دير! اوياندان قارپيز ديله گليب دئيير: كئچن ايل بو زامان منيم بير كيلويوم 250 تومن، بو ايل 500 تومندير، بونون هاراسي بير رقمي تورم اولار بيلر کی...!!

10) كارمندلر

تئلفن داليندا دانيشماقدان باش قاشيماغا واخت تاپانمايان بو تيپ بئكارلار ايداره­ني خالا ائوينه تبديل ائديبلر، والسلام!

11) ضامينلر

بو تيپ بئكارلاري سؤزلوكلرده اوتانماز، حياسيز، جيبيندن وام گؤتوره­نه جاهاز قوشان معنا ائديبلر!

12) يازيچي- شاعيرلر

بو تيپ بئكارلار نقدي نسيه­يه ساتارلار. دئمك بير عؤمور دوشونوب يازديقلارين اؤز پوللاري ايله كيتاب ائديب، امانت ساتيش اوچون كيتابچيلارا وئررلر. بو تيپ بئكارلار اقتصادي فيكيرلشمه­يي باشارسايديلار بئله دالي قالمازديلار! بونلارا دئين يوخدور آخي اؤلكه­ده جماعت گئيم اويناماقدان، هیندي فيلمه باخماقدان، ... باش آچير آخي گليب سنين ده يازيلاريني اوخوسون؟!


13) كرار جاسيم محمد

بو تيپ بئكار دونيادا يالنيز بير نفر اولا بيلر اودا 13-جو نومره دن بلليدير كي كرار جاسيم محمد دير! فيكر ائديردي استقلالا گئتسه منيم اليمدن قورتولا بيلر آمما بيلميردي من سوژه مي موفته سينه الدن وئرمرم. باخماكي جعفري بي اونو موفته الدن وئردي! آمما سوروشان اولسا «كرار بير بئله قازانجي وار، او هارانين بئكاريدير؟» جانيم عرض ائدر سوروشانين قوللوغونا كي: جاسيم، تبريزين تهرانداكي آزادليق استاديوموندا استقلالا گل وورماسايدي ايندي تراختور آسيا ليگينه گئتميشدي، كرار اؤزوده يالنيز تراختوردا اويناماغا منشوري اولماييب هله­ده اؤز كراريميز ايدي! دئييرم اخوي! بئكار قالميشدين استقلالا، اؤزوده تهراندا گل ووردون! دئمه­دين به مسئوللارين آجيغينا گلر؟ او توپو ياواشجانا وورايدين گلرين قوجاغينا داي!

14) تبريز استاديومونون بوش صندللري

بو تيپ بئكار ايلده نئچه اويون تراختورچولاردان محروم اولار، پيشيیين هر آسقيرماسينا اوچ اويون تماشاگرسيز صندللر بئكار قالماغا معروض قالماديرلار.

15) تراختورچولار

اؤلكه­نين ياريدان چوخو بو تيپ بئكارلاردير! بير ايل يالاندان تراختورون دردين چكيب اونو آلقيشلايارلار!! بو دلي­قانلي­لارا دئين يوخدور آخي عزيز محمدي، كراري يالنيز تراختوردا اويناماغا منشوري ائدن يئرده، كمالوندي يالنيز تبريزده مربي اولماغا منشوري ائدن يئرده، تراختورون اويونو باشلاماميش، اويونون نتيجه سين نه ايسته­سه ائله­یه بيلمزمي؟!

16) ائو خانيملاري

بو تيپ بئكارلار اصلينده بئكار دئييللر، هاميدان دا ايشلري آغيردير. ساده­جه بونلارين آغالاري بونلاري بئكار آدلانديرار. بازيقلار سحردن آخشاما كيمي اوشاق ايله باش-باشا وئريب، بيرگون پيشير-دوشوردن، سيل-سوپوردن سونرا، آخشام اينصافسيز ارلري ايشدن گليب گؤرسه شام بير آز دوزسوز اولوب باشلارينا چيغيرارلار كي: سحردن آخشاما ائوده بئكارسان دوزعمللي شام دا پيشيرنميرسن؟ اونا گؤره بو آداملاري دا بئكارلارين ليستينده آد آپارديم. گوناه دا اؤزلرينده ديرها... نه يه ائوله­نيرديلر كي ايندي ده بو ليستده آدلاري يازيلسين! آمما اؤلمه­سك قالساق، بو بئكارلار دا بيمه اولاجاق، اوندا هاميسي­نين عوضي چيخار!!

17) اؤلنلر

آللاه بو تيپ بئكارلارا ايرحمت ائله سين!! اؤزلرينه ايش تاپانماييب بو زامانه ده بئکارچیلیقدان اؤلورلر! بونلارا دئين يوخدور آخي اؤلوب گئديرسن، بير: نئچه­سي فراغيندا آغلار قالير، ايكي: قبير چوخ باهادير، اوچ: مسكن مهر وار ايدي، ويلاي مهر ده باشلاندي، قبر مهر پروژه سي ده چيخاجاق ايدي اوندا اؤلردين داي، دؤرد: طبقاتي قبيرلر اختراع اولوب، صاباح-بيريسي گون قبيرلر ده انبوه سازي اولوناجاق، اوندا اؤلردين، اينديدن نه اؤلمه­يي؟!

+ نوشته شده توسط پیس اوشاق در شنبه بیستم اسفند 1390 و ساعت 15:42 |

آي تراختوچولار! آي ماشينچيلار! آي شهردارچيلر! آي پولاد گؤسترچيلر! آي آذربايجان تيملري چيلر! دويدوق دويماديق دئمه‏يين! بوندان بئله ده كئچميشه تاي استاديوملاردا، يالنيز اؤز تيملرينيزي آلقيشلايين! قويون استقلال تراختورا ايلك گلي ووراندان سونرا استاديومدا كي استقلالچيلار «تهران عروسيه، تبريز...» دئسينلر. سيز اؤز تيميزي آلقيشلايين سونوجو تراختور 3- 2 قازاناندان سونرا گؤرسونلر «توي تبريزده دير گلين چيخما تهراندا» اونلار سيزه داش آتسالار دا بئله كيمسه گؤرمه‏يه‏جك، آماندير سيز اونلارا چؤپ ده آتمايين كي دئيرلر تراختورچولار ال بومباسي پاتلاتديلار!

بوندان بئله تماشاگرلر شولوقلوق ائتسه‏لر تيملرين امتيازي آزالاجاق، استاديومدا گؤردونوزسه بير نفر قالخيب قوناق تيمه يامان دئدي، سيزده اونا قوشولمايين بلكه اونو سس سيزجه يئرينده اوتوردون! نه معلوم او يامان دئين بير نفر تراختورچو دئييل ايسته‏يير سيز ده اونا قوشولاسينيز استاديومون جوي كورلانا!؟ نه معلوم او يامان دئين آدام، قوناق تيمين طرفيندن سيزلرين يانيندا اوتوروب؟ نه معلوم...! هه نه معلوم...!؟

من اؤلوم... منيم پيس جانيمي كفنله‏يين آمما ايندييه‏دك دئمه‏ديينيز كيمي بوندان بئله ده استاديومدا يامان زاد دانيشمايين بلكه كميته انظباطي فدراسيون داش كلم تراختورون و آذربايجانين باشقا تيملرينين امتيازلارينا دیمه‏سين!

انشاا... بو ايل بئله گئتسه تراختور شامپيون اولاجاق. شهرداري جدولين يوخاريلارينا يوكسله‏جك، پولاد گؤستر ايله اوره‏ييمين سئوگيليسي ماشين دا برتر ليگه گليب بوتون آذربايجان تيملري اوغور قازاناجاق. من ده فصلين سونوندا كور اولانلارين آمارين توتوب يازاجاغام!

البته گرك آذربايجان مسئوللاري دا سيزلره يارديمچي اولالار. مسئوللار گرك استاديومون گيره‏جه‏يينده آذربايجانلي‏لارين اؤنونده هفت خوان رستم قورماق يئرينه، قوناق تيملرين جيبلرين آختارا! چونكو كميته انظباطي‏نين ميزي‏نين اوستونده ضبط اولان داشلار آذربايجان و تبريز داشي دئييل، آذربايجان و تبريز داشي، كيمين باشينا دوشسه اؤلدورر! بو داشلاري قوناق تيملرين مسئوللاري اؤز شهريندن جيبلرينه قويوب گتيريبلر!

+ نوشته شده توسط پیس اوشاق در شنبه بیستم اسفند 1390 و ساعت 15:41 |

سايين اوخوجولار! من سون پيشيك، بو سايي يومورتا ايله دانيشماق ايسته‏یيرم، اونا گؤره محله‏ميزين باققال توكانينا باش وورمالي‏يام...

سون پيشيك: سلام باققال بي!

باققال: سلام جينقيلي پيشان!

س.پ: منه بير هوشلو- باشلي يومورتا وئر، ايستيرم پيس سؤزلر اوخوجولارينا تانيتديرام.

ب: يومورتا! يومورتا يوخومدور، باها اولدوغونا گؤره هئچ باققال آليب، ساتيشا قويمور!

س.پ: بيي! به ايندي من پيس اوشاغا نه دئييم؟

ب: برك واجيب اولسا گئت جوجه فابريكا سيندا تويوقچولاردان سوروش!


آي بالا! ايندي من جوجه فابريكاسينين اؤنونده‏يم قاپي‏نين آغزينا كاغاذ يازيب ياپيشديريبلار كي يومورتا ايسته‏ين چيخسين جئيران داغينا...


سايين اوخوجولار! من ايندي لحله يه- لحله يه جئيران داغين اوزو يوخاري چيخيرام، هر كس بوردادير ياغ، دويو، تويوق، ات، مئيوه لر و ... سيككه ده ذيروه دن پاريلتيسي گلير! من هله جئيران داغين سيككه يه دوغرو ديرمانيرام گؤرم يومورتاني تاپا بيلرم... آهان تاديم...

سون پيشيك: ميوووو... ميوووو... يومورتا!

يومورتا: (قالين سس ايله) قوققولو قوقو

س.پ: بير آز ياواش! سن نه اينديدن خورزلانماق نه؟

ي: ايندي دؤوران منيم دؤورانيمدير... قوققولو قوقو.. قو ... قو...

س.پ: آخي سن هارا بورا هارا؟ سن تويوق آنانيندا اوزون آغ ائديبسن!

ي: گؤردوم كيم كيمه دير، هر كس جئيران داغيندا من ده قوشولدوم اونلارا! آنام دا بوردا آتام دا ...

س.پ: سن اونلارا باخما! بوردان دوشوب سينارسان سارين داغيلار، بيرآز ائن آشاغيلارا! جماعت يازيقدير!

ي: جماعته منيم مي يازيغيم گله‏جك؟ هله فيكيرلريم وار.

س.پ: پيشیک ددم واي! پيشيك ننم واي! فيكيرلريني آچيقلا بيلرسنمي؟ منيم قاري ننم قيزيل بومورتايان تويوغون ناغيلين دئميشدي آمما...

ي: دوزون آختارسان ايستيرم ائله باهالاشام جماعت «اوملئت» يئينده حالدان گئتسينلر،اصلا ايستيرم اؤلكه نين اقتصاد شاخصي اولام! ايستيرم كيمسه دئمه سين شاطير چؤركدن صرفه ليدير!

س.پ: اوندا صاباح بيرسي گون مسئوللارين الينه بهانه دوشر چيندن يومورتا گتيررلرها!

ي: ائله بيزيم مسئوللار چينليلرين جيبينه ايشلير، يوخسا اولده مني بورا (جيران داغينا) تانيتديرمازديلار!

س.پ: سون سؤزون وارمي؟

ي: اوخوجولارا دئيين چين يومورتاسي يئمه سينلر، اورانين دوز بيرزادي اؤلكه يه گلمز، چين يومروتاسي دا يئسه لر معده لري قيرپاچ ائدر...!!!

+ نوشته شده توسط پیس اوشاق در شنبه بیستم اسفند 1390 و ساعت 15:40 |

آي بالا! سيزلردن تیلويزيونا باخان وارمي؟ بوشقابا باخان نئجه؟ بوشقابا باخان اولسانيز گؤررسينيز فيلم- ديزي باشلاماميشدان اؤنجه يازار يئددي ياشدان اوستده‏لر باخسين يا اون اوچ ياشدان اوستده‏لر باخسين يا... آتا-آنالار دا بو اخطارلاري گؤروب اوشاقلارينين ياشي ديزي- فيلمه باخماغا چاتماسا اؤنجه ديل ايله، سؤزه باخماسالار ايسه شاپالاق ايله اؤز اوتاقلارينا كارتون ايزله‏مه‏يه گؤندررلر! بوشقابدا گلن فيلملرين بو اخطارلارينين نه‏دني چوخدور، اؤرنك اوچون فيلم قورخولو اولا بيلر، اوشاقلارين ياشينا اويغون اولمايان زادلاري اؤيردن اولا بيلر، اويونچولاري بير-بيرلري ايله ايستكلي اولدوغونا گؤره، ايزله‏ينلرين اؤنونده اوتانماغي اونودان اولا بيلر يا دا ...!

چوخ زامان دا بعضي فيلملري- ياريشلاري (اؤرنك: آمريكا گولشي) گئجه‏نين سون چاغلاريندا يايينلارلار بلكه سونرايا سؤزو قالماسين. بير حالداكي بوشقابداكي كاناللارين هاميسي خصوصي كانالدير آمما بيزيم ميللي تیلويزيون...

آما بيزيم ميللي تیلويزيون، چالغي‏نين سسين يايينلار، سازين يوخ! سازي اؤزله‏ين ايرمي-اوتوز مين خرجله‏ییب گئديب كنسرتده بو سازلاري گؤرر! بوكسون خبرلرين، ياريشين، تصويرين هئچ گئجه ياريسي دا گؤسترمز! گؤررسن نم نه قدر پول خرجله‏نيب، اؤلكه‏ميزده كيمسه‏نين باشينا گلمه‏ين «مسافري از هند» ديزيسي (سريالي) دوزه‏لينيب هاميني «سيتا»زده ائدر!

گؤررسن «افسانه جومونگ» ديزيسين گونئي كره‏دن آليب شام واختي يايينلار، بعضي گنج اوغلانلاردا سوفرا باشيندان قالخيب كاردي گؤتوروب آتاسينين خيرتده‏يينه دايار كي: هايانداندير منه «سوسانو»!

گؤررسن حضرت يوسيف (ع) ديزي‏سين مين بير مصيبت ايله دوزلدر، سينوهه‏نين خاطرات كيتابي اساسدا شخصيتلره آد سئچر، هورم هوپ مريضلر، سينوهه گلر هورم هوپون باشي اوستده، بو ديزي‏نين يؤنتمنينه يازيقلار اولسون، ساوادسيز ياراديق تاريخي اوخوسايدي بيلردي سينوهه ايله حضرت يوسيف (ع) ياشامي‏نين نئچه يوز ايل زامان فاصله‏سي وار!

گؤررسن اوستاد شهريارين ديزيسين دوزلدر، ائله ديزي دوزلدر اوستادين اوشاقلاري دا اونا اعتراض ائديب دئير: آي كمال تبريزي! بيزيم رحمتليك آتاميز او دئيیلديي، بيزيم رحمتليك آناميز ساوادسيز يوخ اؤيرتمن ايدي، بيزيم آتاميزين ياخينلاري پروفسور، دؤكتور، اؤيرنجي اولاردي نه سن گؤسته‏رنلر...!

گؤررسن صفويلر دؤورونه عاييد اولان ديزيده شاه عباسي كئفلي-كئفلي!!! «كوچه لره سو سپميشم» ماهنيسين اوخويا-اوخويا گؤسترير بير حالدا كي بو ماهني‏نين هله شعري ده صفويلر زاماني يوخ ايدي هاندا قالسين ماهنيسي!

آمما بو ايل اوروجلوق آييندا دا سراسري كاناللار، كئچن ايللره تاي، ديرسيز ديزيلرين دوز افطار چاغي يايينلاديلار، طرف آشي اوستونه داميزا- داميزا «پنج كيلومتر تا بهشت» ديزيسينه باخير، كؤرپه اوشاق قورو سوت امه-امه! دئمك بير گونلوك كؤرپه‏دن ياشلي آتا- آنالارا كيمي ديزيده اوچان روحلاري!!! ايزله‏يير! ديزي باشلانماميدشان اؤنجه ده اخطار- مخطار وئريلمير. سونوج بيليرسينيز نه اولور؟ هه ـه ـه، خبرلري اوخوسايدينيز گؤرردينيز «محمد مهدي» آديندا 12 ياشيندا اوشاق، آتا- آناسي ائوده اولماياندا «پنج كيلومتر تا بهشت» دن الهام آليب، ائوده 6 ياشلي قارداشي‏نين گؤزلرينين اؤنونده اؤزون آسيب اؤلور بلكه روحو ديزيده كي كيمي اوچوب آتا-آناسين گودسون گؤرسون اونون داليندا نه دانيشيرلار!!! (بو هله بو ديزي‏نين ضررلريندن بيريسي ايدي!)

اوغلان! بيزه تهاجم فرهنگي احتياج دئييل، بيزيم رسانه ميللي ميز اؤزو باشدان آياغا تهاجم فرهنگيدير داي!

+ نوشته شده توسط پیس اوشاق در شنبه بیستم اسفند 1390 و ساعت 15:39 |

شهریمیزین(1) شورالارینین سئچگی‏سینده (انتخاباتیندا) دام- دووارلار دولور گؤزل- گؤیچک شکیل‏لر، سؤزلرله... بونلارين بير چوخو هئچ شورالارین اختیارلاریندان دئییل. چوخلارینین اورتاق (مشترک) سؤزو مدرن، گؤزل، امکاناتلی، یاشیل شهردیر (2)

هـ.....ـه! ایشیقلی جوجه يومورتادان بللی اولار! ميللت بیر هفته کار- کاغیذین اوستونده یول گئدیر هئچ، یازیق آغاجلاردا یوخوسوندان اولور (3)، (4) تبلیغات کاغیذلاری دووارلارا ائله کیریشله‏نیر کی دؤرد ایل چکير اوردان سویولماقلاری.

شهردار ايله شورالارين ايشلريندن:

آرخلار ایله خیاوانلارین جدولی دییشیلمک هامان (5) سؤکولوب نرده چکیلیر، شهرداری نرده‏لر ایله شهری دار(6)، شورالاردا اونو تصویب ائدیر. (7)

شورالارین بیری بیر منطقه‏نین شهردارینا، خیاوان چکمه‏یه گؤره کی وظیفه‏لریندن بیر‏ی‏دیر 20 وئریر (8) بو قارداش واختیندا منیم معللیمیم اولسایدی ایندی منیم‏ده ساوادیم شوار اولماغا یئتیشردی (9)

بیر منطقه‏نین شهرداری بیزلره یازیرکی: «ميللتين یاردیمی ایله تبریزی اوزوک قاشی ائده‏جه‏ییک» (10)

بیر حالدا کی ايسلام مچیدلری‏نین فیروزه‏سی اولان گؤی مچید دالدا قالیب. شورانین رئیسی بویورور: «تبریز به یکی از زیباترین شهرهای جهان تبدیل می شود»(11)

آغا قار یاغاندا، بیر منطقه‏ده طرفین قاپی‏سینین آغزینادا دوز تؤکولور کی ناوار- ناوار تازا جراحی اولان اینجه بورنو شیشمه‏سین! بیر منطقه‏یه‏ده بیر اووج دا دوز سپیلمیر، سوروشسان‏دا دئیرلر بورانین آداملارینین بورنو ایستی‏ده، سویوق‏دا ائله قابیق قویوب کی نه جراحی اولار نه‏ده شیشر. (12) بعضی محله‏لرین باشیندا زیبیل سله‏سی قویولماییب کی توریستلر گلیب گؤرسونلر پیشیک- سیچان ایله آداملار نئجه مسالمت‏آمیز یاشیرلار بعضی محله‏لرده پیشیک‏سیز‏لیکدن، پاکوتاه نازنین ایتی دولاندیران کیشی‏نین ایتی ایله اؤزو پیشیک گؤرنده (13) اوره‏یی تؤکولور (14)

شهریمیزین گؤرمه‏لی گؤرونتولریندن کی مود اولوب:

«نخستین جشنواره تابستانی»نین تبلیغی آبرسان مئیدانیندا کی کؤرپونون اوستونده شاختادان بوم- بوز بوْزاریب (15)، پژوهش هفته‏سینین بنئری آیلاردیر کی یئل- گون قاباغیندادیر، «مسابقات مهارتی و پژوهشی کامپیوتر»تبلیغی‏ده هتل مرمرین قاباغین گؤزل‏له‏دیب.

پاییزین سون گونلرینده شهریمیزده «خط سوم» شعر جشنواره‏سی وارایدی. هله‏ده تبلیغاتی دانشگاه مئیدانیندا آدامی تاماها سالیر (16)

نصف راه‏دا تاكسي‏لار مسافيرلردن نئچه آلاجاقلارا بير تابلو وار. هله او تابلو بيلمير ايندي 1383 –جو ايل 3-4 ايل اولار سونا چاتيب.

خط واحید دوراقلارینین (ایستگاهلارینین) چوخوندا فلان شیرکت یازیبدیر: «تخفیف بزرگ به مدت ده روز» بو تبلیغین باشلانیش قورتولوش تاریخی یوخودور(17)...

هله کئچن آی چوخلو جشنواره‏لر قورلموشدور کی گئرچک‏دن چوخ یاخشی‏دیر آما گؤرک شهرداری اونلارین تبلیغ‏لرین هاچان خیاوانلاردان ییغاجاق. شیرکتلرین تبلیغی قالسین قیراقدا. هله ـه ـه ـه!

شوربانین باغیشلایین! شورانین (18) وظیفه‏سی بوساییلانلارا گؤره نه‏دیر؟

---«پیس اوشاق»


1) گول بادام خانیم قورخولوغومو گؤتورنده اتک یازینی منه اؤیرتدی.

2) باغلارباغی‏نین یئرینده هتل تیکمک آنلامیندا

3) بودا هئچ

4) گومان شورا سئچگی‏لری قیشدا اولور

5) هر ایل دییشیلر

6) اوستاد پایگذار جناس اؤرنه یی

7) سئچدیییمیز شورالار

بیرده آقای شهردار

نرده لری چکدیلر

ائیله‏سینلر شهری دار

8) نومره‏نین کیلویی نئچه‏دیر؟

9) ایسته میرم وزیر اولام یوخسا «کردان» جنابلارین گؤردیم.

10) گول بادام خانیم! بو آغایا بیر اوزرلیک سالارسان!

11) برزن‏لری یوخو آپاران واخت چکیلن محله‏لره یئتیشه بیلسز، بلی! گول بادام خانیم! ایشین چیخیب! اوزرلیک ...!

12) سیزکی یایدا سویو کسدیز، کوچه‏میزه سو سپمه‏دیز، یار گلنده توز اولماسین، باری قیشدا، قار یاغاندا، دوز سپین کی یار گلنده ییخلماسین، هامی بیمه اولاجاقدیر، بیز کی هامیدان دئییلیک، بیمه‏میز یوخدور هله‏ده! (بحر طویل)

13) اون اوچ نسل اولار

14) ایفاده‏دن ده اولا بیلر

15) چوخ تاماهلانمایین ها! اوزاقدان- یاخیندان گلن شاعیرلرین سئچیلنلرینه یالنیز بیر قیزیل پول وئردیلر.

16) یامان چوخ بیلمیشدیلر، آلاهین اون گونو قورتولمورکی

17) دئدیم باغیشلایین دای....! بییی!

+ نوشته شده توسط پیس اوشاق در شنبه بیستم اسفند 1390 و ساعت 15:37 |

آناما زنگ آچیب دئدیم کی: آنا موشتولوغومو وئر! تلویزیوندا دئدیلر کی بوندان بئله قبیض‏لری الکترونیکی بانکا تؤکمک اولار» آما سلامیم؛ علیک‏سیز قالدی. مخابرات واخت تاپدی بیزیم تلفونو كسمه‏يه! هله اینانمیردیم! بیرده زنگ آچدیم. بیری نمنه دئدی، من بئله ائشیتدیم کی دئییر بورجلونون تلفونو كسيلر، یاندی قیندی!

بیر دیل مخابراتا قاچدیم گؤرم آخی قبیض گلمه‏میش نه‏یین بورجلولویام. قبيض گلمه‏ميش تلفونو نييه کسیبلر. دئدیلر: آدرس دوز دئییل، دئدیم: نيیه تلفونو باغلایاندا دوز گلدیز قاپینین آغزینا، قبیضه یئتیشنده آدرس ایری اولور؟! دئدی: خیاوانین او الینده بانک وار، صبحانه‏یه چیخمامیش گئت کی بانکین کارمندلری خالا ائوی نییتینه اوردا اوتوروبلار. (هئچ اؤزون دئمير!!) یاخشی هله تلفون كسيلدي آنام بیلمه‏دی نه‏یین نه‏سی‏دیر ها!

+ نوشته شده توسط پیس اوشاق در شنبه بیستم اسفند 1390 و ساعت 15:37 |

گونلرین بیر گونونده (0) «توحید» (1) تازا آلدیغی موتور ایله گلیردی کی یولدا توش گلدیک. موتورون ساخلاییب دئدی: پیس اوشاق! محله یه گئدسن یئتیره بیلرم.

دئدیم: یوخ آللاه سنی ساخلاسین. من موتورا مینمرم.

توحید دئدی: نه یه؟

دئدیم: قدیمدن دئییبلر موتور سورن قوجالماز، منیم آرزیم وار. اوندان سونرا (اوزدن ایراق) (3) موتور سورن دلی اولار دالدا اوتوران اوندان دا دلی (4)

توحید دئدی: (5)

سونرا یازیق باشین توولاییب گئتدی.

آخشام اوستو آرواد آغا لیستی یازیب، (6) اونلارین آلماغینی ایسته دی. ائودن چیخیب آلمالیلاری آلیب ائوه گئدیردیم کی قارداشلاریم دا موتور ایله ائوه ساری گئدیردیلر.

«وسایلین آغیردیر! گل اوتور گئدک» دئییب منی اوتاندیردیلار. من ده بیر ساغا، بیر سولا باخیب «توحید» گؤرمه سین دئیه آرتیست لر کیمی موتورون اوستونه قوندوم.

بو موتورلارین تکنولوژی سی ائله بیر جور دوزه لیب کی آدام اونو سورنده قولتوقلارینین آلتینا ائله بؤیوک قارپیز قویولور کی هئچ بوستاندا تایی یوخدور. دالدا اوتورانلاردا بو تکنولوژینین اوزوندن اللرین دیز لرینین اوستونه قویوب جور به جور ژست ایله اوتورورلار.

کوچه میزه یاخینلاشمیشدیق کی «توحید» بیزی گؤردو، (7) موتوروموزو ساخلاشدیریب دئدی: پیس اوشاق! سن دئییردین موتور سورن دلی، دالدا اوتوران اوندان دا دلی دیر، سن کی هامیدان دالی دا اوتوروبسان، بس نه اولارسان؟

گؤردوم ایشی کورلامیشام، اؤزومو ایتیرمه دیم کی هئچ اوسته له ییب دئدیم: بیر دلی بیر سفئهین (8) باشینین اوستونده گرک بیر عاغیللی سی دا اولا یا یوخ! من ده بولارین (9) باشلاری اوستونده یم کی اؤزلریندن چیخماسینلار.

ایندی یئتیشدیک «نیسان» لارا! بو نیسانلار ایله موتورلارین تکنولوژی سی بیر - بیرینه چوخ یاخیندیر (10) یالنیز ایکی فرقی وار. بیر: قارپیز موتورا مینه نین قولتوقلارینین آلتیندا اولار نیسانین دالیندا !! بیری ده بو کی: نیسانین موتورو من بیلن جئت موتورودور، یوکو اولا، اولمایا ایلدیریم کیمی شاخارلار. البته اولاری قینامالی دئییل: چونکو چوخو بنزینلری ساتیب 3 تن قارپیزی ماشینین دالینا ییغیب میانی کمربندده باشقا نیسان چیلار ایله قارپیز جشنواره سی قویارلار! آخشام دا هامی سین ساتیب، قازانیب، سئوینجک ائولرینه قاییدارلار. سیز آللاه سیزی جشنواره دن ائوه گلنده توتماق اولا بیلر کی بو شوفئرلری ده توتماق اولا؟

خولاصه بو موتور سورنلر ایله نیسانچیلاردان هئچ کیم راضی دئییل. ایندی اوروپالیلار بیزه علم پوزو وئریرلر بیز هله موتور – ماشینی قازلالماق پوزوندا قالمیشیق.

آی موتورچو جاوان قارداش! صاباح ییخیلیب قیچین سینسا (11)، بیر آی ایشله یه بیلمه سن ایش یئیه سی (کارفرما) تخت روان (12) اوستونده نئجه اوتورا بیلر. هئچ راحاتچیلیغی گلمز کی. اؤزونه یازیغین گلمیر سه بونا یازیغین گلسین!!!


پیس اوشاق


اتک یازی:

0) من اؤلوم اوخو! گولمه لیدیر ها

1) کیچیک قارداشیمین دوستودور

2) جاوان اؤلر

3) بونو اوخویانلارا دئییرم ها توحیده دئمه میشدیم

4) سفئه

5) نه ایشین وار نه دئدی؟ هئچ زاد دئمه دی!

6) اؤزونه باخما کی تورکونو زیققینا- زیققینا اوخویورسان، منیم خانیمیم ساوادلیدیر.

7) ددم وای! ننم وای!

8) یئنه ده اوزدن ایراق!

9) قارداشلاریمی دئییرم

10) تکنولوژی بحثی دیر سورن بحثی دئییل

11) آغزیما داش توپراق

12) بو تخت روان لار یوزارسیف زامانیندا اولان کیمی دئییل. ایندی کی تخت روان لار 40 میلیوندان اوسته ماشینلارا دئییلیر کی ایشچی لرین چیینینده یولا دوشر البته ایشچی لر گؤزه گؤزسنمزلر (نامرئی دیلر)

+ نوشته شده توسط پیس اوشاق در شنبه بیستم اسفند 1390 و ساعت 15:36 |

من یازیق سوبایلیق دا بیر جور سیزیلداما دردینده یدیم، (1) ایندی ده بیر جور. بئش ایلدیر ائله سیزیلداییرام کی سوموکلریم ده سسه گلیب. اوتانماز چیلیقدیر! منیم او شولوق اوغلومو گؤروبسن دای! هه ... ساغ اول.....! او دونیایا گلنده، یولداشلارین بیری منی گؤروب سوروشدو: گؤزلرین آیدین اولسون! نه یین اولوب؟

دئدیم: کاسیبین نه یی اولار؟ یا اوغلو اولار، یادا قیزی دای!(2)

یئییب- ایچمه ییمیزده کی یاخشیدیر! هفته نین بیر باشی آنا گیلده ییک، بیر باشیندا قاینانا گیلده! آنجاق اوج- اوجه دویونله ییریک دای گول بادام خانیم!

بیزیم گوجوموز چاتمازکی حاج علی نین بؤرکون قویاق حاج ولی نین باشینا، آنجاق علی نین بؤرکون ولی نین باشینا قویا بیله ریک! (3)

بیرده گول بادام خانیم! قادانی آلیم! بو «ابوالفضل ثوابی» ایله ایشین اولماسین. حتما بیر دردی وار کی شئعرین بیر بئیتین اؤزو سانسور ائله ییب. هر حالدا او بئیت سانسور اولمالی کیمی نظریمه گلیر. چونکو ایندی شئعر کیتابلارینا چاپ مجوزی وئرنده قافیه لرین بوینوزون سیندیریب، کلمه لرین دده سین یاندیریرلار، اونون دا گؤزو قورخوب اونا گؤره ....!

نئجه سن بیرینده دئیم؟ هه! .... قولاق آس....! گؤرنه اولور؟

بیزیم بؤیوک کوره کن، یامان کؤهنه ماشین چیدیر! اونون بیر قدیمی فیاتی (4) وارایدی کی استارت ایله ایشله مه یی باشارمازدی. عوضینده ایشله یندن سونرا بورنو شیشیب، اوچاردی! ترمز دا کی یوخدور! اونو سوره نین اوچاق (5) تسلیغی اولمالی ایدی!

هله....! هر گون سحر تئزدن اونلارین قاپیلارینین، قاباغیندان یولوم دوشسه یدی، منه ساققال توتوب مندن یاردیم ایستردی. منده اؤزومو اینجیدیب ماشینیمدان یئره ائنمزدیم، ائله سپر- سپر ائله ییب یاواش- یاواش قاز وئریب کؤهنه فیاتی ایته له یردیم. بو عادت منیم باشیمدا قالمیشدی. بیر گون خطیب آغزیندا، قیرمیزی چیراغین دالیندا دایانمیشدیم کی گؤردوم کوره که نین آغ فیاتی دا مندن قاباقدا چیراغین دالیندا ساخلاییب.

میرتیندان اؤترو سپر- سپر ائله ییب یاواش- یاواش فیاتی ایته له دیم. کوره کن دیشلریمه ساری دویونله میشدی کی منی تانی ییب، گولومسه سه رک اؤز ماشینینا ساری گئتدی.

بو شوخلوق چوخ خوشوما گلمیشدی. فرصت تاپدیقجا او یازیق ایله باش- باشا قویاردیم.

بیر گون ده بیر قیرمیزی چیراغین دالیندا، بو ایشی گؤرنده، بیر بیغی بورما فیاتدان یئره ائنیب، منی آز، آما شیرین ووردو. دئمه هر فیات بیزیم کوره که نین فیاتی اولا بیلمز. او گوندن بری کوره کن مندن یاردیم ایسته سه دئیه رم: دردیمی بیلیرسن دای! یئنه عادت ائدرم الیمه ایش وئره رم ایندی ابوالفضل ثوابی نین ده حتما بیر دردی وار. صاباح گلیب یازمالیلاری یازسا ....

یادیمدان چیخمامیش گلن سای دا «قوشاچایلی اوغوز» (7) بیین تبریزه گلیب، آدرس سوروشوب ایتمه یینه گؤره بیر ده عجایب هفتگانه آذربایجان ایچین چوخلو سؤزوم وارکی عجایبه گؤره اؤدول آلا بیلسم هم گول بادام خانیمین حسابین وئره رم همیده سلیمان یولداشیم گیله ائو گؤروشو آلیب، آپاراجاغام!(8)


اتک یازی

1) گؤره سن منیم کیمی الی بوش اوغلانا بئل باغلایان تاپیلار سیزیلداماسی

2) هامان سیزیلداما مسئله سی

3) گوناهی یونگولدور، توبه سی قبول

4) تبلیغ اولماسین

5) اوچاق: هواپیما (سؤزلوک اتک یازی حسابیندا دئییل ها، گول بادام خانیم!)

6) ال- قولونو منه اؤلچمه کی، گئت بیر کیلو شکلات آل باجاناغین ایله یئ، بلکه آز ساواشاسیز!

7) شما و آفتاب صحیفه سینده یازیلمیش.

8) بوراکیمی سکگیز اتک یازی، آللاه برکت وئرسین، پولو بئله قازانارلار با! گول بادام خانیما تای !

+ نوشته شده توسط پیس اوشاق در شنبه بیستم اسفند 1390 و ساعت 15:34 |

آفتاب آذربایجانین 30-نجو سایی سیندا قوشاچایلی اوخوجوموز سایین"اوغوز" بی، تبریزده آدرس سوروشوب ایتمه ییندن گیلئیلنمیشدی. بو حؤرمتلی قارداشیما دئمه لی یم، بو قونودا تبریزین بیلیم یوردلارینین(1) بیرینده یومورتا دویونله مک کورسوسو(2)قورولوب، بو درسی 4 ترمده بیتیرمک اولار(3)! بو اؤنملی درسین اوستادی اؤزومم(4).

1.نجی ترم:

اول ترمده تبریز خیاوانلاری-کوچه لریندن قدیم و اونلارین یئرینده اوتوران یئنی آدلاری اؤیره نه جکسن.

اؤرنک لر: پینه شالوار یئری اولوب کوی اسلامشهر ، امامیه خیاوانی اولموشدو حکیم نظامی خیاوانی ایندی ایسه مشروطه خیاوانی دیر، گولوستان باغی اولوب فجر باغی، شاه گولویه ائل گولو دئییرلر تابلو و نقشه ده ایل گلی یازیب(5) ، سنتو جاده سی ملت ایله کارگر بولواری اولوب و ...

بعضی یئر آدلاری دا وار کی یئریندن خنثی اولوب نه نقشه ده وار نه ده تابلو دا، یالنیز تبریزلیلرین سینه سینده وار کی کیلاسلاریمدا آد یازدیرسان ائله ایلک ترمده هامی سین اؤیره نرسن! اؤرنکلر: اسماعیل خان باغی، قارا آغاج آغزی، باغشمال چهارراهی، کوره باشی، قونقا باشی، قیرمیزی باغ، عین الدوله، توماس و ...

2.نجی ترم:

تبریزین چوخ یئرلرینین آدی شهرداری نین امکداشلیغی و شهر شوراسینین باشی سویوقلوغو ایله باشقا یئرلرین آدی ایله آداش(6) اولوب، ایسته ییرسن گئده سن "پاسدارانا"نقشه اوزویله گئتسن ائینالی اته یینده کی اتوبانا چیخاجاقسان، گردشگری سازمانیندان یاردیم آلسان، ستارخان بلواریندان آیریلان پاسداران خیاوانینا چیخاجاقسان، تبریزلیلردن سوروشسان، بو آددا بیر محله یه چاتاجاقسان.

شریعتی یه گئتمک ایسته سن، آدرس سوروشدوغون آدام اندامی گئیینن بیر قیز اولسا، سنی ولیعصرین شریعتی سینده اییتره جک، گوللو چادیرالی قیزدان سوروشسان قدیم شهناز خیاوانیندا باشینی اکه جک.

مفتح خیاوانیندا دایانیب امام حسین میدانی آختارسان"آزجا قاباقدا بیری واردیر"دئیه جکلر، شهید فلاح نژاد خیاوانیندا امام حسین میدانین آختارسان هامانکی جوابی ائشیده جک سن. شهید رنجبر خیاوانیندا ایکی یئرده وار، بیری باهار آغزیندان باشلانیر جهاد بولوارین کیمی، بیریده قدس خیاوانینین سونوندان باشلانیر کارگر بلوارین کیمی بوللو سوللو مجتمع مسکونی فجر و کوی فرهنگیان واریمیزدیر.

طاقانی خیاوانی نین آخیرلری طالقانی محله سی دیر، اتوبانین قیراغیندا دا بیر طالقانی شهرکی وار. داش ساختمان ، داش کؤرپو، داش مچیده گئتمک استه سن، اوا خواهری آداما راست گلسن سیرا ایله آدلاری بئله تلفظ ائت: ساختمان سنگی، پل سنگی، مسجد سنگی و ...

3.نجی ترم:

تبریز ده شهید بهشتی آدیندا بیر یئره گئتمک ایسته سن اولده آشاغیدا کی، ناغیلی بیلمه لیسن، یوخسا تبریزین کوچه لرینده فیریلداق کیمی فیریلدایاجاقسان!

ناغیل: بیر گون ائو صاحیبیمیزین(7) اوغلونون تویوایدی. قاپی نی چالیب نه عجب منی ده تویا چاغیردی. ئمه ایشی دوشموش ایمیش. باشقا بیر کارت دا وئریب دئدی:

-قونشو! سنه بیر ایشیم دوشوب، ساوادلی اولدوغونا گؤره سنین الیندن گلر! شهید بهشتی ده بیر بی بی نوه سی واریمدیر! بو کارتی دا آپاراسان اونا وئررسن. بی بی نوه نی اومود اولورام. آدرسی ده دئدی، منده یازدیم! تبریز، شهید بهشتی، فیلان کوچه، فیلان دؤنگه، فیلان دؤنوم، فیلان پلاک(8)، فیلانکس بی بی اوغلو

من باشی داشلی دا هانسی شهید بهشتی نی سوروشمادیم . اولده اؤز محله میز، طالقانی ده کی شهید بهشتی چهارراهینا گئتدیم، ایکی ساعات آختاراندان سونرا یادیما دوشدو کی منصور چهاراهینا شهید بهشتی چهاراهی دئییلر.بیر نفردن سوروشدوم دئدی آغا بورا شهید بهشتی چهاراهیدیر. بو چهارراهدان، سرباز شهید خیاوانینا کیمی ده شهید بهشتی خیاوانیدیر!گئت سوروش بلکه تاپدین.گزدیم-گزدیم آما تاپابیلمه دیم.فیکریمه هئچ یئر یئتیشمه ییردی. بیر ساری تئللی تاکسی ساخلادی. اوتورماق هامان اوندان دا سوروشدوم،دئدی: بیز شوفئرلر چوخ یئرلری تانییاریق کی هئچ سنین روحون دا اورالارا گئتمه ییب. منی آپاردی حجتی خیاوانینین آخیریندا شهید بهشتی محله سینه. اورادا دئييلمیش. او محله ده دئدیلر: کارگر بلواریندان مرنده ساری گئدنده سول الده، شهید بهشتی شهرکی وار بلکه اورادیر. ارینمز-یورولماز اوردا گئتدیک، آما تاپانمادیق اوردادا دئدیلر: گئت عباسی خیاوانینا، طاغ یانیندا سول اله چؤن! اورادا همی شهید بهشتی خیاوانی وار، همیده شهید بهشتی محله سی(9)، کاش ائله ایلکدن بورا گله یدیک! فیلانکس بی بی اوغلون تاپدیق! تاکسی چی نی دا سیزیلدارکن دؤرد-بئش دانا گؤی قاناد وئریب یولا سالدیم.

بی بی اوغلو توی کارتین الیمده گؤروب یاخامدان یاپیشیب دئدی: هارداسان به! دایی اوغلوم سحر تئزدن منه تلفوندا دئدی کی بیریندن توی کارتی یولامیشام. سن آخشام اذانینا کیمی هاردایدین؟ ایسته ییرسن من ایله دایی اوغلومون آراسین ووراسان دئییب منه نه یئییبسن تورشولو آش!

4.نجی ترم :

بو ترمی بوردا آچیقلاماق چتیندیر آما ایپ اوجو وئریرم کی ماراقلاناسان(10)! تبریزین هر بیر کوچه سینده مثلا پلاک 27 اون دانا قاپینین باشینا وورولوب. ایندی یازیق پستچی، یازیق قوناق، یازیق آدرس آختاران.

بیز بیر کوچه ده اوتورایدیق پلاکیمیز 6 ایدی. باشقا بیر کوچه یه داشیناندا آنام دئدی بو شماره کریم باقری نین شوماره سیدیر. پلاکیمیزی اؤزوموز ایله قوپاردیق آپاردیق کی بیلسینلر بیز کریم باقری چی ییق. بیزدن اوچ قاپی اویانلیق دا پلاک 6 ایدی بیزده.(11)(12)(13)(14)



0-تبریز آدرس شوناسی

1-سؤزلوک صحیفه سین اوخوسان چوخ زاد اؤیره نرسن!

2-کرسی دای،اه!!!

3-درس اوخویان اولسانسا

4-باخما منیم پیس اوشاقلیغیما

5-راستی!ایل گلی یعنی چه؟

6-دئدیم بئله بیر سؤزلرین آنلامین بیلمک ایسته سن سؤزلوک صحیفه سین اوخو،یا یوخ؟!

7- ورجر بر وزن مزجر= زجر وئرن

8-بو پلاک مسئله سی اؤز لویونده بیر ترم واخت آپاراجاق،اوخو گؤر!

9-بورا کیمی نئچه دانا شهید بهشتی کلمه سی اوخویوبسان؟

10-اوشاق ماراقلی اولماسا درس اوخوماز

11-گومان اولاردا کریم باقری چی ایمیشلر

12-کیمسه بو درسه یومورتا دویونله مکدن ساوای،باشقا بیر آد تاپسا منه دئسین!

13-اون اوچ نس اولار

14-اوغوز بی! دای تبریزه گلمک ایسته میرسن؟

+ نوشته شده توسط پیس اوشاق در شنبه بیستم اسفند 1390 و ساعت 15:34 |

ایرانین ملی رسانه سی هردن ائله بیر سریال آنتن اوستونه قوندورور کی بوتون صنایع آیاغا قالخیر هئچ، بعضی ساحه لرده ده اثر قویور. اوشین خانیم یادینیز دا می؟ لینچان ایله اوسانیانگ نئجه؟ بونلاری اونوتسانیز یانگوم خانیمی اونودا بیلمزسینیز. البته بونلارین هئچ بیریسی جومونگ کیمی صنعتیمیز ایله اجتماعمیزدا تأثیر بوراخا بیلمه ییبلر. ایرانین دا بیر سریالی وار ایدی کی چوخ اثرلیدی! «مسافری از هند»-ی دئییرم. بو سریالین ناغیلی (0) هئچ کیمین باشینا گلمه میشدی (1) آما اثری چوخ آدامین باشینا گلیب ، چوخونون دا جیبین آغیرلادا بیلدی. سیتا خانیم گئین پالتارلارین مد اولماسی، سیتا آدیندا بوتیک لر، سیتا آدیندا قیز آدلاری (2)، هله بورنون اینجه له دن قیزلار سیجیللی لرینه ده عمل ائتدیریب آدلارین سیتا یازدیردیلار، اینترنت ده دولودو، سیتا آدی له (3)

آمما....آمما... جومونگ و البته سوسانو خانییییم!

«بانه» یه یولو دوشنلر بو سریالا بایرامدا باخدیلار، سیم آتانلار ایراندان سونرا باشلاییب، ایراندان تئز مستفیض اولدولار، ملی رسانه یه باخانلاردا اوروجلوق قورتولمامیش بو قافله یه قوشولدولار.

پیس تاثيرلرين دئمیرم کی نئچه سی «سوسانو» یا گؤره اؤزون اؤلدوردو، پیس اوشاق ایکن یاخشی اثرلری یازماغا ماراقلانمیشام.

رحمتلیک بانو «یوها» دئمیشدی ها بو اوغلان بیر ایش چیخارداجاق من اینانمادیم. ایندی خیاوانا چیخاندا گؤرورم نه یین نه یی ایمیش! جومونگ سریالینین اثرلری و اونا باغلی اولان صنایع چوخ- چوخدو آما من اؤزوم گؤردوکلریمی و بیلدیکلریمی یازیرام. اولا کی میللی رسانه دن ایسته یه سینیز بو سریالی باشدان گؤسترسین.

فرهنگ:

بو سریال باعث اولوب اوشاقلار اوخولا (مدرسه یه) گئدنده آغلاماسینلار . چونکو اوغلان اوشاقلارینین چانتالارینین اوستونده جومونگون، قیز اوشاقلارینین چانتالارینین اوستونده ایسه سوسانونون جوره به جوره شکیلی وار. اوخولدا داریخیب آغلاماقلاری توتاندا، چانتالاریندا کی شکلی یادا سالیب درس اوخوماغا ماراقلانیرلار ! دفتر- میداد لاری دا کی جومونگ/سوسانو نیشاندیر (4) اؤز قهرمانلاریمیزدا هردن بزرگداشت مراسمی توتولار دای! گؤرر ! (5)

اونوتمامیشدان دئمه لی یم صنایع تولید وسایل فرهنگی- تحریری ده آیاق اوسته قالیر!

روانی باخیمدان:

اوشاقلارین چوخو، اوتاقلاریندان «مرد عنکبوت» -ونون قورخمالی شکلین قوپاردیب، جومونگ/سوسانو شکلین یاپیشدیریبلار (6) آخی بو دؤیوشچولر اولان اوتاغا میلچک گیره بیلرکی خوخان دا گیریب اوشاقلاری قورخوتسون؟

ترافیک:

سریال باشلایان ساعاتلاردا خیاوان دا قیی وورسان قولاق توتولار. ملی رسانه میزه اؤنریم بودورکی بو سریالی یئنه ده گؤسترسین، اؤزوده ترافیکین آغیر اولان ساعاتلاریندا. اوندا ترافیک آدلی سؤزوموز، سؤزلوکلردن چیخاریلا بیلر.

ورزش:

هر کیم اؤزون جومونگ/سوسانویا اوخشاتماق ایچین بدنینه حرکت وئرمک زوروندادیر. بئله قاباغا گئتسک، بئش- آلتی ایل سونرا المپیک دن قوجاق- قوجاق قیزیل گتیره جه ییک. (7)

ائولنمک زامانی: (18 یاشدان آشاغیلار اوخوماسین!) (8)

قیسا قاش آلدیرماق یامان مد اولوب ! خانیم قیزلار قیافه لرین «سوسانو» یا بنزتمک ایله قاپیلاریندان ائلچی کسیلمیر (9). البته نئچه ایل اؤنجه قیزلار قاش آلدیرمازدیلار آما ایندی اوغلانلار قاش آلدیراندان داها قیزلارا ایراد توتماق اولماز (10)

اشتغال زایی:

بو گونلر سلمانی لارین باش قاشیماغا واختی یوخدور. مشتری لری چوخالماییب ها، جانبی ایشلری چوخالیب (11) ریسندگی- بافنندگی صنفینده ده جومونگ/ سوسانو شکلی اولان کؤینک/ جوراب و ... سات هاساتدادیر! یئییب- ایچمه لی لردن ده جومونگ نمکی، سوسانوتوز، یوهاکولا، بویو کابابی، گوگوریو کالباسی، چوسون قدیم معدنی سویو و ... بازارا گلمک حالیندادیر.

عایله باخیمیندان :

بو سریالا باخان آغالار، ایکی دؤنه ائولنمک فیکرین باشدان آتیبدیلار. اؤز گؤزلری ایله گؤردولر اؤگئی قارداشلار، نئجه بیرله شیب جومونگو آوارا قویدولار، مجلس نمایند ه لری ده، نئجه دئییرلر «اؤلکه ده تورم زاد یوخدور، بئکارچیلیق دا لاپ آزدیرایندی ده آیین- شایین دئیه بیلررلر «ایراندا هئچ آغا ایکی خانیملی دئییل و ایسته میر اولسون!» . سونرا دا اؤزلرین ازدواج موقت ایله مجدد پرونده لریندن راحت ائتسینلر.

هنر:

باخیچیلارین (فالچی لارین) (13) ایشلری توتوب، بیریده چکیل اویانا دئسه، دئیه جکلر: «مه یه بویو اؤلکه سین باخیجیلار ایداره ائتمیر ؟» (14)

هنر ساحه سینده، حؤرمتلی مسئولاریمیز همت ائدیب بو سریالی، قسمت- قسمت تبریزین آزادی سینما سینا، اهرین قدس سینما سینا سالسین . همی بو سینما لار تعطیللیکدن چیخسین همی ده سالونلار دولسون!

سیاست:

هامی سیاسی بحثلری ییغیشدیریب، بو سریالا گؤره بحث ائدیر! اوضاع آراملاشیر، مسئوللارین دا باشی آییقلاشیرکی بیرآزدا بیزلرین دردینه یئتیشه لر!

نظامی باخیمدان:

اوشاقلارا اویناتمالی دوزلدنلر، بو سریالدا ایشله نن نظامی ابزارلاری دوزلدیب بازارا وئریبلر. اوشاقلار بو اویناتمالیلار لا ایندی دن اویناسالار، اون یاشلارینا دولاندا (15) بؤیوک جنگاور اولدوقلارینی سانیرام. نیظامی باخیمیندان بئله قاباغا گئتسک 5+1 ده اؤزو بیزیم نفعیمیزه بیانیه صادر ائلر!


بو مطلبین سونوندا، جومونگا گؤره بیر خاطیره ده یازیم کی سونرایا قالسا مد دان دوشر: خیاوانلارین بیرینده گله- گله گؤردوم، خیاوانین قیراغین جومونگون بؤیوک شکیل ایله بزه ییبلر! اؤز- اؤزومه دئدیم اولمایا جومونگ ایرانلی اولوب و ایسته ییر کاندیدا اولسون، بو تبلیغاتین دا خرجین اونون خودجوش مردم سیتادلارینین بیری (16) وام زودبازده آلیب (17) وئریب.

سونرا بیر آیری یئرده هامان بو شکیلی گؤروب دقت ایله سؤزلرین ده اوخودوم، گؤردوم کره نین کارخانالارینین بیرینین تبلیغی دیر کی جومونگ عهده سینه آلیب (18) (19)


اتک یازی

0) اؤزوم آمار توتموشام.

1) سوروشورسونوز 70 میلیون دان نئجه آمار توتدون؟ نئجه توتاجاغام، «آمار ایداره سی کیمی»! ایندی یه کیمی هانسی بئکار دان سوروشوبلار ایشین وارمی؟ آما آمار وئرنده دئییبلر: «دومبلم دوز آمارین اساسیندا .....»

2) چوخونون اوغلو اولاندا ناراحات اولورکی نه یه قیز اولمادی آدین سیتا قویاق!

3) اینانماییرسیز؟گئدین باخین .

4) فرهنگی اثر اؤرنه یی

5) جومونگ اولان یئرده اؤزوموزو تئیلیریک

6) صنعت چاپ پوستره ده بئله قازانسین

7) تربیت بدنی سازمانی چکیب قاپیسین باغلاسادا ائله فرق ائتمز، ابومسلمین قاپیسی باغلاندی نه اولدو؟
8)
منه دئین یوخدور: آخی سن یازانی اوخویان وارکی هله اون سکگیزدن آشاغی یا یاساق ائدیرسن.

9) ایللاهدا بادام گؤزلولر

10) سحر تئزدن ایشه گئدیردیم، گؤدوم يولداشلاریمین بیری توکاندان بیسکویت آلیب یئییر. اؤزومو اونا یئتیریب دئدیم: یولداش! اروجلوقدورها! سن کی اوروج توتانسان! دئدی: دوزون آختارسان، ائودن چیخاندا، باش آچیق بیر قیز ایله اؤز به اؤز گلدیم. تعجب ائدیب، دقت ایله باخدیم. بوگونومون اوروجو هدر اولوب. دئدیم: یوخ اوغلان! سن گؤدویونو، من ده گؤردوم! او اوغلاندیر آما قاشلارین کره ای و البته کی اوروج باطل ائدن آلدیریب!

11) باخ: اوغلانلارین قاش آلدیرماق مسئله سینه.

12) اتک یازیلاریما یامان عادت ائدیبسن ها! بیلمیرسن کی منه نه قدر خرجی وار !

13) اؤزلری دئمیشکن: یاخیجیلیق هنردیر

14) هله فوتبالا دا سرایت ائدیب. بیر باخیجی تاپیلیب 50 میلیون آلیر، تیمی جادو گوجو ایله بیرینجی چیخاردیر. علی کریمی نی دئمیرم کی سؤز اوزانار.
15)
قیزلی- اوغلانلی
16)
ایرانین انتخاباتلاریندا، کاندیدا جوش تبلیغاتیمیز یوخدور، هامیسی خود جوش مردمی اولار. هئچ کاندیدا اؤزون تانیتدیرماق ایچین میلیون- میلیون پول خرجله مز. یازیق هاردان گتیره جکدیر؟

17) یا آلیب یادا آلاجاق! ائله فرقی یوخدور

18) ایران فیلم اوینایانلاری بو ایشی گؤرسه یدی لاغ ائدردیلر

19) یورولما!

+ نوشته شده توسط پیس اوشاق در شنبه بیستم اسفند 1390 و ساعت 15:33 |

تویوق آنفولانزاسی گلنده نه گونلریمیز واریدی ! تویوق یئمکدن لاپ آز قالیردی معده میز تشنج ائتسین! تویوق توکانلاردا باشینا قالمیشدی، آنام دا ائله هر واخت ائشیه چیخسایدی، گلنده هئچ اولماسا بیر اتلی- جانلی سین گتیریب، شیشه تاخاردی. یالاندان نه دئییم، من اؤزومو دئییرم، سحرلر شیرین چاییمی دا، تویوق بلله سی ایله یئییردیم. ناهارادا تویوق، شامادا تویوق، قوناق دا گئدیردیک تویوق، قوناق گلیردی ده تویوق! دوغرودان نه گونلریدی؟ اوندا دون ات زاد مد اولمامیشدی هله! ایندی کی کیمین دئییلدی کی مشتری تویوغا باخاندا بوینون قویا چیینینه؛ اوندا هم تویوق، هم ده تویوقچو مشتری یه بئله باخاردی!

او گوندن کی دوغوز آنفولانزاسی نین خبرین آنام دا بیلدی، هئی- هئی آه چکیب دئییر: هارداسان آنفولانزا ؟  گل یئنه ده تویوق بوللوغو دوشسون. نئینیرم دوغوز آنفولانزاسین؟ من دوغوزو یئیه نم آخی؟!

+ نوشته شده توسط پیس اوشاق در شنبه بیستم اسفند 1390 و ساعت 15:32 |

قدیم دن، بو قیز- اوغلان آدلاری ایچره، نئچه آد وارکی هم قیز آدی اولور، هم اوغلان آدی؛ اؤزوده بؤیوک آداملارین آدی. (1)

«افخم ابراهیمی» نی «آفتاب آذربایجان» چیلار یاخشی تانیرلار. «گول بادام» خانیم سوژه سیز قالاندا، «کوپ قاری سی» صحیفه سین افخم خانیمین آدینین آچیقلاماسی ایله دولدورار: «والله افخم، خانیم آدی دیر

اوبیری بؤیوک آداملاردان «الهام علی یف» دیر. بو «الهام» اوغلان آدیدیر !!

منیم تهراندا کی خالام گیلین قونشوسون آدلاری چوخ ائشیتمه لیدیر: ارین آدی اشرف دیر، آروادين آدي آغا، خانیمی سسله ینده اشی سسلر خانیم دا آغانی. (2)

آما «گولو» آدی، کسینلیکله خانیم آدیدیر! (3) کیمسه «گولو» نون اوغلان آدی اولدوغونا اؤرنک گتیره بیلمز. بو آدی سیجیللی یازان ساوادلی قارداشلاریمیز «گلی» یازارلار!

ایندی، تبریز شهرداریسي، تبریزلیلر اوچون، خیاوانلاردا «داداش گلی» آدلی بیر شخصیت آدینا، درین دوشونجه لی سؤزلر یازدیریب، ووردوروب (4) بو آدی «داداش قلی» یازسایدیلار، دئیردیک: «سلقه سیزلر آد تاپانماییبلارآما «داداش گلی» یازاندا، آدام دئییر: «حتما دیکته ده ضعیف دیرلر، مدرکلری تقلبی دیر یاخشی هله بونلار، تابلو یازاندان، زاددان دئییللر، یوخسا گاوداری نی قاوداری، ائل گؤلونو ، ال گلی!!! یازالار .

اولمایا بو «گولو» اوغلان آدی دا اولا بیلرمیش بیز خبرسیزیک؟! نه اولاردی، شهرداریمیز بو «داداش گلی» نین یئرینه بیزیم « آ قولو» نون سؤزلرین یازایدی. (5) داداشلار! (6) ایندی هامی بیلیر، ایکی ایکی دؤرد ائدر (7) بیر آزدا، اؤزوزه یازین، وورون خیاوانلارا، وظیفه لریز یاددان چیخماسین.

آخیردا «آ قولو» دان قیسا بیر سؤز ایله یاخازدان ال چکیرم:

آ قولو: دروازادان، کوندورویه کیمی، خیاوانی کئچمه یه بیر کؤرپوده یوخدور، هئچ اولماسا گرگر/ کرگر (تابلو دا کرکج یازیبلار) آغزینا بیرین میخلایا سیز، منیم دوستوم اکبر، خیاوانی کئچنده، دیشی- دیشینه دیمه سین!!! (8)


اتک یازیلاری :

1) دوغوز آنفولانزاسی توتماماق اوچون، ماسک تاخمالي، اؤپوشمه مه لي، گؤروشمه مه لي!

2) آذربایجان منطقه سینین سویوق منطقه اولدوغو اوچون، یوللارینا ورزش پالتاری یئرینه، کاپشن، جیلیققا، پوتون، یون جوراب، ایستی پاپاق، شال، الجک و ... گؤتورمک!

3) سویوق دیمه شربتی، آنتی هیستامین، آسپرین و ... جیبیزده اولسون! (12)

4) وسیله لره امکانی اولورسا شوفاژ قوشدورون!
5)
یولدا یاغیش آلتدا ایسلانماماق اوچون چتیر ایله یاغمورلوق (بارانی) گؤتورمک لاریم دیر .

6) تیرلرین زنجیری یاددان چیخماسین! (13)
7)
اوجالیقلاردا اکسیژن آزالار. اکسیژن کپسولودا بئلیزده اولسون!

8) قار یاغیب یوللاری باغلاسا، نه ایله اؤزونوزو شهره چاتدیراجاقسینیز؟ اولماسا ایسکی باشماغی ایله سوروتمه ده یانیز دا اولسون!

+ نوشته شده توسط پیس اوشاق در شنبه بیستم اسفند 1390 و ساعت 15:31 |

من ایشله دیییم یئر باشماق شیرکتی دیر، اورا جینس گلنده اینه یین دریسی اولار، چیخاندا باشماق! گونده اون ساعات ایشلرکن دئییب گولمه ییمیزده اولار (5)

سیزلردن یئر اولماسین، شیرکتده کی ایشله ین دوستلار، بیری- بیریندن ياخشی اوغلاندیر! بو یاخشی اوغلانلارین بارالارین، بیر آی اؤزومه سوژه ائدرم.

مثلا بیری وار، گئدیر بیر یئر وار (6)، اوردان قدیمی رادیو آلیر. رادیو ساتان دئییر: «یالنیز آچیب- باغلاما دویمه سی ایشله میر! اونودا آپاریب باخدیرارسانائوه قاییدیر، رادیونو گؤروب دئییرلر: «ایندی تکنولوژی بوشقاب زاد اوستونده دیر! بو رادیو نه دردیمیزه دیر؟»

دوستوم دئییر: هم کلاسیک دیر همی عتیقه! اونا گؤره آلدیم!

رادیو نو آپاریر دویمه سین دوزلتدیره، طرف رادیونو آچیب گؤرور او یئکه لیکده رادیونون ایچی بوشدور، آنجاق باندینا کیچیک بیر داریو یاراشدیریبلارکی بیر باشدان اوخویور. کلاسیک رادیونون دا دویمه لری کی هئچ، اؤزوده یالانداندیر!

یولداشلاردان هر کیم دیشلرین چکدیرسه، بیله سینه دئیه ریک: «فلان یئرده اوجوز قیمته کؤهنه دیش ساتیرلار! (7) و ... بئله- بئله زادلار ایله گونوموزو آخشام ائده ریک!

آما اکبر باربند (اکبر بارا دئ!) یازیق سؤزسوز ایش گؤره بیلمز. مثلا جمعه گونو گئدیب «بانه» یه، بیر هفته بویو «بانه» دن دانیشار (8)

ایندی ماشینین ضبطین آچیب آپاریبلار، بیر هفته قدیم و یئنی اوغرولار باره سینده قونوشار! او دانیشدیقجا بیزده پارازیت سالیب بیریمیز «هه» لرین یئتیه ریک، بیریمیز دئیه ریک: «سونرا نه اولدو؟» بیریمیز دئیه ریک: «گؤره سن نه تهر اولاجاق؟» من ده دئیه رم: «او سینیق رادیودا چالیب- اوخویان اولماسا اونو باغلایین سن آللاه

بیزیم بو اکبرآغانین بیر پیکانی وار، گئدیب اونا باربند باغلاتدیریب نه ـه ـه ـه؟! لاپ بازارین گؤزون چیخاردیب، گؤرن دئیر مزدا 1000 اوتاغیدیر!!! بو باربندی پرایدا قوشان اولسا گرک هر طرفدن بیر مئتیرده تراس چیخاردا ائشیه!بو پراید هاچ بک اولسا، بو باربندی ساخلایا بیلمز، گرک دمیرچی گلیب دیرک ایله اونو ماشینین اوستونده ساخلاتدیرسین!

بو باربندی بیری گؤرور دئییر: «حتما وانت یئرینه ایشله دیب قارپیز ساتاجاقبیری دئییر: «تراختورون بیری گؤرور» دئییر: «حتما وانت یئرینه ایشله دیب قارپیز ساتاجاقبیری دئییر: «تراختورون اویونو اولاندا، باربنده ده مسافیر میندیریب آپاراجاق استادیوما!(10)» بیری دئییر: «بو باربندی باغلاتدیریب کی پیکانی وانت ساییلیب، بنزین سهمیه سی چوخالسین

بیری دئییر: «یارانه لری هدفمند ائله سه لر، هر زادین قیمتی آزاد اولاجاق، دؤولت ده جماعته تلیس- تلیس پول وئره جک، اکبرآغا بو باربندی باغلاتدیریب کی پیکانین ایچی پوللاری توتماسا، باربندینه یوکله سین


اتک یازیلار :

5) آللاه بو دیلخوشلوقلاریمیزی الیمیزدن آلماسین!

6) آدین یازماق ایسته میرم، بیلیرسیز نمنه قاپیسین دئییرم.

7) اؤلو آغزیندان چیخاریلمیش دیش!

8) هر گون «بانه» نین بیر پاساژی باره ده!

9) سینیق رادیو کیمی

10) 90 برنامه سینده ده یاخشی سوژه اولا بیلر! آخی «فردوسی پور»، تراختورون حقی یئییلنده برنامه نین زیپین چکیر، آما اتوبوسون دامیندا اوتورانلاری برنامه سینین سوژه سی ائدیر! یازیق بیلمیر کی بو استادیومون نه اوزون نه ده یولون، تراختور چولار دوزلتمه ییب، اونلارین گوناهی مسئوللاردادیر. عادل بی! نئجه هر یئرده «نفش جهان» استادیومو سنین یاردیمین ایله سوژه اولوب (انصافا سوژه اولمالیدیر) دوز آدامسان بورانین دا یئر سیزلیکلرین سوژه ائت!

+ نوشته شده توسط پیس اوشاق در شنبه بیستم اسفند 1390 و ساعت 15:29 |

بیزیم بعضی ایشلریمیز وارکی او ایشلرینن، مسئولانِِ مربوطه نین تخصصی همخوان اولا بیلمیر! گؤروروخ خ خ طرف فوقِ لیسانسِ تربیت بدنی دی، مهندسِ کشاورزی یئرینه خدمته مشغولدی، یا فلان فدراسیون ورزشی نین رئیسی نین، قارین ساللاماغینان معلوم اولور کی طرف هئچ اهل ورزش و اینجور کارها ده ییر و ...!

بیر زامان من عالی درس خوان ایدیم، کلاس پنجم دا کارنامه مین نمره لری بیست ایدی. ساعت ورزش اولاندادا درسه باخاردیم ولی اما ورزش نمره مده بیست یازیلاردی!!! بیر گون معلمیمیز کلاسین درسخوان شاگردلرین سالنِ مدرسیه دعوت ائله دی. هر کلاسدان پنج- شش نفر تشریف فرما اولموشدی، بیر آز انتظاردان سورا، بی نفر دیگر تشریف فرما اولوب اؤزون معرفی ائلیییب دئدی: من ناحیه محترم نن مأمور اولموشام کی مَدرَسوزون گروه سرودون انتخاب ائلی یم و شروع بکار ائله دی. (2)

اولده شروع ائله دی شاگردهای ممتازدان کی صدای بلندینن «بسم الله الرحمن الرحیم» دئسینلر. پنج- شش نفر اوخویانان سورا بیری انتخاب اولدی كي! سورا شاگردهای ممتازدان ایسته دی صدای بلند و رَسا اینَن دئسینلر: «گروه سرود دبستان فلان تقدیم می کندباز هم بیری انتخاب اولدی. سورا تکخواندا انتخاب اولدی. هله منیم نوبتیم یئتیشمه میشدی یئتیشدیخخخ بیر نفر خوش صدا انتخاب اولماغا آواز اوچون! ایندی منیم نوبتیم ایدی! مصراع «مرا یارای راه رفتن نمانده است» آوازینان اوخوجاغدیم! ایندی شروع ائله میشم اوخوماغا:

میا یایای یاه یفتن نمانده است ...

کئچن شماره ده قید ائله میشدیم کی، منیم دیل آشماغیم طبیعی اولمیوب! سئرچه بوغما مراسیمینده، سئرچه نی بوغانان سورادا دیل آشمامیشام، اما مسئوللارین باراسی باعث دیل آشماغیم اولوب! (3) بو غیر طبیعی دیل آشماغیم باعث اولوب (ر R) حرفین (ی Y) تلفظ ائلی یم. ایندی سوز حساب ائلیین من سوزونن بیر گون سحردن آخشاما اوتوروب په! داستان یاددان چیخدی آخی!

هه! من آوازینان «میا یایای یاه یفتن نمانده است»

اوخودوم اوشاخلاردا هامیسی ده یدی بیر- بیرینه!

او آغا دئدی: سیرتیخلانما! دوز عملی اوخو گؤروم!

دوباره شروع ائله دیم:

«میا یایای یاه رفتن نمانده است

دئدی: او شاگرد ممتاز لیغون برازنده بو سیرتیغلیغون ده ییر! دئدیم: آغا اجازه! «والله منیم دیلیم شی یین دی! من (ر R) حیفین (ی Y) تلفظ ائله یم!

خود آغانی دا گولماخخخ توتموشدی. بیر مشت آهنین، شانه منن ووروب دئدی: هئچ همخوان اولماغا دا درده دیمزسن بماند آواز اوخوماغون!

بو ناغیل یا دوزدا قالسین، مطلبی اوخودوخجا دردوزه دیه جاخ! (4)

ایکی آی قاباخ، هنگام عصر، دفتر آفتاب آذربایجانا گئتمیدشدیم. دفتر مجله ده كی خیابانهای شلوغ منطقه بازار تبریزده واقع اولوب. بواختا قالدیغیما گؤره تاکسی در بست دن استفاده ائله دیم. آقا راننده مسن بیر آقا ایدی، رادیوی خودرو دا روشن ایدی، ترافیک خیابان های کلانشهر تبریزدن خبر وئریردی:

«مسیر خیابان بازار تا میدان ساعت ترافیک سنگین دیر

«مسیر خیابان خاقانی تا میدان شهدا ترافیک نیمه سنگین دیر

«مسیر میدان جهاد تا چهارراه لاله و بالعکس ترافیک نیمه سنگین، اما روان گزارش اولوب

«دوربین های سازمان ترافیک شهرداری کلانشهر تبریز، مسیر برگشت چهارراه آبرسان از فلکه دانشگاهی به علت کنده کاری سازمان مترو مسدود و بیر آز اوسته كی تا زعفرانیه آغزی و محدوده خیابان های اطرافی سبک گزارش ائلیورو ...

گزارش وضعیت ترافیکی شهر باشیمی ائله مشغول ائله دی کی، بیر واخت آییلدیم گؤردوم ترافکین ایچیندی یوخ!

آقای رانندیه دئدیم: «آقای یاننده! یادیو تیافیک شهیه گؤیه گزایش وئیییدی! سن ده کی لاپ او تیافیکلی خیابانلایدان سویوسن

آقای راننده دئدی: «نه رادیو دئیه نی باشا دوشدوم نه سن دئیه نی!!!»

دئدیم: «ائشیتمه دون دئدی تیافیک آغییدی؟»

دئدی: «بالا! ائله بیل سنین ده دیلین شیرین دیر؟! اولدن رادیو دیه نلری ترجمه ائتسه یدین ایندی یئتیشمیشدیک

ائوه یئرده گلسه یدیم، ایندی شامی میدا ایستی- ایستی یئمیشدیم! اوتانماز چیلیقدیر! خانم سفره نی آچیب شامی گتیریر. بوی غذای یانیخ مشام مبارکیمه دیمک همان دیشیم باغارسیغیمی کسیر. دندان روی جگر قویا بیلمه ییب دئییرم:

«آی خانیم!(6) سن منیم اون دقیقه بواختا قالماغیما صبویی پیشه ائله مییسن کی گلم شامی باهملیخدا یئیاخ! آما سن منه گونده یانیخ یئمک یئدیی دیی سن، گؤی هئچ سسیم چیخیی؟»

دئییر: «نه ائدیم؟ من شام پیشیرنده، اوغلون دا هئی چاغیریب سوروشور: (7) «باخ گؤر کارتوندا کی پیشیک، سیچانا نه دئدی؟ باخ گؤر سیچان پیشییه نه دئیه جک؟ اولاری منه دئ سونرا گئت پوفی پیشیر! ...» من ده کارتونون سؤزلرین اوغول بالانا ترجمه ائدیرم بیر واخت گؤرورم اوتاغی توستو گؤتوروب، شام دا یانیب

مقداری هم بدهکار اولوب ساکت اوتورورام! (8)

فردای آن روز گئدیرم مامانیم گیله! مامانیم ائوده یوخدور. برادر کوچکتریم اوتوروب صدا و سیمای مرکز تبریزدن پخش اولان شبکه سهنده تماشا ائلی ییر.

«ایندی فیلم وئره جک! اوتور باخ، من ده سنه چای گتیریم» دئییر.

فیلم شروع به پخش اولور، مثلا فیلم باستانی «اژدها وارد می شود» برادر کوچکتریمه عرض ائلی ییرم: «بو فیلمه یوز سیی باخمیشیق! نه یینه باخاق! گل ائشییه چیخاق

برادریم دئییر: «اوغلان اوتور باخ! بلکه بو دفعه ده آخر فیلم ده بروس لی نی اؤلدوره جکلر. حتمن بو فیلمین آخری متفاوت اولوب کی بیر بئله پخش اولور

تلویزیون دیوار های دولت منزل مامانا پخش اولور، بیزده برنامه پربیننده و تقلبی نود و پرطرفدارترین تیم کشور، تراختورا گؤره دانیشیریق!

ایستیردیم ائودن چیخام کی مامانیم گلیر!

مامانا دئییرم: «مامان جون! چوخدان سیزده یدیم. ائوه سایی گئدییم، منه گؤیه ایشین یوخ؟»

دئییر: «سن آللاه اوتور، ساعت سکگیز خبرلرین دئسین سونرا گئت

متعجبانه عرض ائدیرم: «نه خبر وار کی؟»

دئییر: خبرلری اوشاقلار منه ترجمه ائتمکدن یورولوبلار. هانکی سینا دئییرم ترجمه ائت، باش آتیر! اوتور اولاری منه ترجمه ائت سونرا گئدرسن، کوپن زاد دئیر بیلمه رم

دئییرم: «مامانی! ساخلا ساعت 11 خبیلرینه قولاق آسایسان! ایندی شامیمیز یانای!!!»

دئییر: «اوغلوم! ساعت 11 ده من یئددی یوخونون ایچینده یم! هاردان باخا بیله رم؟»

خبرلری آناما ترجمه ائدیب ائوه گلیرم! شام دوباره یانیب! (9)

ایندی سی ام دی ماه هزار و سیصد و هشتاد و هشت من ده ایشدن خسته کوفته یئتیشیب، شامی یئییب، چاییمی دا ایچمیشم. (10)

«بیزیم گوذر» باشلاییر!

مجری محترم برنامه پر بیننده بیزیم گوذر تشریف فرما اولوب و مثلا بویورور: سلام! برنامه پر مخاطب بیزیم گوذرین محترم بیننده لرینه! بونان کی بو برنامه نی برای پر کردن اوقات فراغت خود انتخاب ائله میسوز بی نهایت متشکرم. بو پر مخاطب و پر بیننده برنامه، صدا و سیمای مرکز استان آذربایجان شرقی، شبکه جهانی و ماهواره ای سهند دن پخش اولور. بونان کی اؤز محبتلی و پر بار تلفن و پیامک لروزونن من و همکاران پر تلاشیمی تح قویموسوز بی اندازه متشکر و ممنونم ... باهملیخدا گئداخ نمایش پر محتوای برنامه نی نظاره ائلی یاخ تا گلاخ استودیوموزدان برنامه نی پیگیرلیخ خ خ خ ائلی یاخ!

نماش دن سونرا مجری محترم دوباره شروع به صحبت ائدیر:

نمایشی گؤردوخ! ایندی گئداخ پیامک های ارسالی از طرف شمانین سراغینا گؤراخ بیزه نه مرقوم بویورموسوز:

- اولین پیامکی صیفر دوققوزیوز فلان تبریزدن ارسال ائلی ییب و یازیبلارکی: «برنامه شما خیلی زیباست و اگر امکانی دارد آشیخلاردان چوخ استفاده ائلویون برنامه ده!» (11) بیزده عرض ائدیروخ خ خ حتمن!

- دومین پیامک ده یازیب: «وخت برنامه را بیشتر کنید!» (12) بیزده دئییرو خ خ خ در صورت امکان، آینده ده بو پیشنهادی یئرینه یئتیره جیوخ!

- پیامک سوم ...

تشکر ائلی یوروخ تک تک بیننده لردن کی بیزینن همراه دیلار گئداخ مهمان برنامه نین خدمتینه گؤراخ نه اولور؟

برنامه نین مهمانی درباره مطبوعات دانیشیر و مابقی نمایش پر محتوا ...

مجری برنامه بیزیم گوذر دوربین های استودیونی ایتیرمیش حالدا، خلاصه بیرین پیدا ائدیب، شروع ائدیر: «بویونون پیامکلری اکثرا ادبیات باره سینده یدی. قبل از اینکه موضوع برنامه، بحران در زندگی یه گؤره دانیشاخ برنامه نین لاپ او پر مخاطب قسمتی، یعنی قسمت تلفنلارا جوابی خدمت با سعادتوزه اجرا ائدیرم، سورا گئداخ گزارش گزارشگر برنامه میزه کی سطح شهرده در خصوص موضوع برنامه عزیز شهروندلرینن صحبت ائلی یوبلر.

«پیس سؤزلر» صفحه سینین عزیز اوخوجولاری! بیزیم گوذره تلفن وورانلار زنگ ووروب تلفنچی ایله دانیشیرلار، یاداکی تلفنچی بویورور کی سؤزوزو دئیین ضبط اولوسن برنامه ده پخش اولاجاخ! پس معلوم اولورکی تلفن وورانلار، مجری محترم ایله مستقیم دانیشماییر. بو بارا شبکه سهندین ورزش برنامه سینده ده وار، سانیرام بو تلفن وورانلارین چوخو، مجری محترمین اؤز فار- فامئلیدیر! تلفنلارین سسین ائله تدوین ائدیب آرادا مجری محترمین سؤزلرینه بوشلوق قویورلارکی بیر- ایکی ساعات سورا، برنامه پخش اولاندا مجری اؤزو دولدورور. بونو هامی بیلیر ولی دست اندرکاران شبکه اؤزونه آلمیر.

ایندی مجری بو تلفنلارا جواب وئرنده لاپ دوزگون کیریخیر. مثلا زنگ وورانین سؤزو آزقالیر قورتولسون کی مجری هله تازا- تازا سلام وئریب کئف احوال ائدیر. گؤرور بارا وئریب اؤزون ده گولماخ توتور.

بو تلفنلاردان بیر آیری نمونه نین دیالوگو:

- الو سلام علیکیم؛ بیزیم گوذر برنامه سی دیر؟ سحریز خیر اولوسن!

- علیکم السلام؛ سوزونده آخشاموز خیر اولسون!

- آغا مجری یه سلامیمیزی یئتیرین، دئیین کی دکور برنامه نی بیر آز ده ییشین! (13)

- بله، چشم! دکوروموزا بویون بیر شئیلرده اضافه لتمیشوخ خ خ!

- حتما آقای مجری دن تشکر ائدین! (14) (15)

- خواهش ائدیریم!

و باشقا تلفن لار کی ...

برنامه نین گزارشگری، موضوع برنامه بیزیم گوذر یعنی «بحران در زندگی» باره ده سطح شهرده، شهروند لر ایله ائله دیل ایله دانیشیرکی جواب وئرنلرده دیللرین ده ییشمک زروندا، هم اؤزون همیده سؤزون ایتیریر! ایندی سیرا یئتیشیر مجری محترم برنامه یه کی اؤزوده موضوع برنامه یه گؤره دانیشا و سؤیله ییر:

... فقط آللاه قادر دئمه یینن اولماز، انسان گرک تلاش ائله یه! بو دوزدی کی آللاه قادردی اما ... (16) سونرا دا گؤرور بارا وئریب، تئز باس- باغیر ائدیب سؤزو چئویریر! سی ام دی ماه هشتاد و هشت ده پخش اولان بیزیم گوذر باخسایدیز، اؤزوز گؤرردیز!

برنامه قورتولمامیش تلویزیونو خاموش ائدیرم! چونکی بیزیم گوذره باخسام بیر نفر ده ایستیر کی منیم اؤزومه ترجمه ایشی یاپسین! ایندی مطلبین اولینده یازدیغیم داستان زیبای خاطر شریفوزه سالساز، گؤره جاخسوز من (ر R) حرفین (ی Y) دئین یئرده آواز اوخوماق دردینه ده یمه رم، سهند شبکه سی ده ...

آنجاق سخن آخرم، بو شبکه نین مسئولینادیر: «برنامه های شبکه سهند ائله اولسون کی مخاطب اولارا باخماغا علاقه مند اولسون، زورونان ایش اولماز، بو امکانات ایله بو برنامه لر نه یه یارار آقای مسئول شبکه سهند؟


اتک یازی

1) حؤرمتلی اوخوجولار بو مطلبین املایی و انشایی ایرادلارین مندن گؤرمه دیم توتسونلار، من بو مطلبی یازاندا تحت تاثیر ادبیات شبکه ائینالی ( سهند ) قرار تاپمیشام! باغیشلایین! فقط مطالعه بویوراندا (ــَـِــُـ) حرکه لرینه توجه ویژه ز اولسون متشکرم!

2) نه تئز؟

3) خاطیریزدن چیخمیوب کی؟

4) محل کاردادا، ناهاریمی میل ائلی ینده اوخه دم بویورون یئرینه «بویویون! بویویون» دئمیشم کی ایندی کارخانه همکارلاریما دا مد دوشوب، نهار وقتی «بویویون! بویویون» سسی سالن کارخانه نی بورویر!

5) باز هم گذشت ائلی یون! من ده مجریان محترم شبکه خنثی و پر بیننده سهنده تای اؤز بیلدیغیمی دئییرم! یعنی اؤز دئدیخلاریمی یازاندا (ر R) حرفین ده (ی Y) یازیرام خواهش ائلیرم باش تاپون!

6) قایناتام منیم یازیلاریمین حئیرانی اولاندان خانیمین آدی گلنده اوتانماز چیلیقدیر کلمه سین ایشلتمک زوروندایام!

7) اوغلوم دا منه چکیب دیلی شیرینلیکده، اونون دا سؤزلرین دانیشدیغی کیمی یازسام اینانین کی باش تاپا بیلمز سی او (ر R و ل L) حرفلرینه (ی Y) دئییر!!!

8) البته سهند شبکه سینین ساغلیغینا!

9) اوتانماز چیلیقدیر، آتابی ( اغوغلوم ) ، کارتونا باخیرمیش گومان!

10) هامی دئسین: یورولمایاسان!

11) هئچ برنامه ده آشیقلاردان خبر یوخدورها!

12) ائله قادانی آلیم آقای مجری!

13) باخین! تلفونچو یا دئییر: مجری یه سلام یئتیرین! دئمیر سلام آقای مجری

14) آقای مجری ایله دانیشان دئمزکی آقای مجردن تشکر ائدین، دئیر: آقای مجری! سندن تشکر ائدیرم!

15) اشتباه ائتمه سم آما دان سونرا دئییر «خطرناک»! «گؤرورسوز، مجری محترم ائله دانیشیرکی هئچ اؤزوده بیلمیر نه دئییر؟ ایستیردی دئسین فقط آللاها توکل ائتمک ایله اولماز، گرک انسان اؤزوده چالیشا، اما چون آقای مجری نی کِلاس بوغوردو، اونا اؤره بئله دئدی.

+ نوشته شده توسط پیس اوشاق در شنبه بیستم اسفند 1390 و ساعت 15:27 |

به اطلاع عموم علی الخصوص به اطلاع طرفداران پر طرفدارترین تیم ایران یعنی تراختور همچنین خوانندگان دوست داشتنی صفحه پیس سؤزلر (دومین صفحه پر مخاطب مجله آفتاب آذربایجان، اولی را شما انتخاب كنید!!) می رساند گزینه 3 سامانه پیام كوتاه برنامه 90 اشكال پیدا كرده است. این اشكال فنی، ار روز آماگیری پیام كوتاه پرطرفدارترین تیم ایران در برنامه نود و به علت از كار انداختن عمدی گزینه سوم این سامانه كه در آن برنامه به تیم تراختور اختصاص یافته بود (و من نمی خواستم تیم محبوبم پیروزی ضایع بشود) برای رعایت عدالت و بازگشت به مثل معروف «چیزی كه عیان است چه حاجت به بیان است»، تعمیر گزینه سوم این سامانه با نازلترین قیمت به مناقصه گذاشته می شود. لازم به توضیح است اگر كسی بتواند گزنه سوم این سامانه را از نو راه اندازی كند این مناقصه در كمال عدالت و به صورت یكطرفه از طرف برنامه نود باطل خواهد شد.

همه كاره برنامه نود: عدالت خان!!


حؤرمتلی اوخوجولار! عدالت خان ایله دوستلوق سالمیشیق اورك سؤزلری دئییلسین! ائله ایندی یئری دیر:

«سلام عدالت خان! اگر اجازه بفرمایید و میرزاآغا گولشچی را به جان من نیندازید یك گلایه و یك پیشنهاد داشتنم كه امیدوارم برای برنامه تان مفید باشد. در روز بازی تراختور- مقاومت شیراز شعار هایی را كه علیه شما داده می شد در برنامه منعكس كردید و حتی خواستار رسیدگی شدید. خواهشند است نسبت به شعار هایی كه در ورزشگاه های دیگر و اخیرا در كرمان علیه آذربایجانی ها داده شد نیز عكس العمل نشان داده و خواستار محرومیت خاطیان باشید و پیشنهادم این است كه حالا كه شما از بین دهها آهنگ ساخته شده برای تراختور آهنگی به جز آهنگ فوتبالیست ها برای پخش روی بازی تراختور- ابومسلم پیدا نكردید و علم شنگه ها و چكمه یاخام جیریلدی های یك- دو سال گذشته سرخابی ها در مقابل میلیون ها تماشاگر از خاطر مباركتان delete فرمودید از این به بعد یكی از آهنگ های ساخته شده برای تراختور را برای بازی های این تیم انتخاب بفرمایید برای رعایت عدالت برای برنامه خودتان آهنگ «پینوكیو» و «پت و مت» و بر روی بازی های تیم سپاهان آهنگ «لوك خوش شانس» بر روی بازی های دو تیم استقلال و پیروزی یكی از آهنگ های «تبانی»، «باجناق ها» و یا «كلاه قرمزی و پسرخاله» برای بازی های تیم ابومسلم و مصاحبه های خداد عزیزی آهنگ «هزار دستان» برای بازی های استیل آذین و مصاحبه های علی كریمی آهنگ «شب های برره» پخش کنید و دل میلیون ها طرفدار بی گناه تیم تراختور را نامنصفانه نشكنید. سخن آخر اینكه هوادار روی سكو ها معلوم می شود نه در پیامك فرستی! مدیر عامل صفحه پرمخاطبت پیس سؤزلر مجله: پیس اوشاق (عاشق دیوانه تیم ماشین سازی مظلوم)


+ نوشته شده توسط پیس اوشاق در شنبه بیستم اسفند 1390 و ساعت 14:34 |

دوزون آختارسانیز من اوشاقلیغیمدان تبریزین «ماشین» فوتبال تیمینین دلی لریندن بیریسی یم (5) آما «ماشین» سئوگیسی یئرینده، آذربایجانین باشقا فوتبال تیملری، اؤزللیكله «تراختور» تیمی نین سئوگیسی ایله یاشايیرام.

او زامانلار نه گونلر ایدی؟ باغشمالین یاریسی قیرمیزی یاریسی ایسه یاشیل ایله بزه نردی. منیم ده اؤزومه گؤره یاشیل بایراغیم زادیم وار ایدی. بیر گون بو ایكی تیمین داربی لارینین بیرینده، اوشاقلیق عالمینده كیچیك قارداشیم ایله بیرلیكده استادیومون بلیط آلانلارینین الیندن اكیلیب تلسه- تلسه اؤزوموزو مئیدانا یئتیردیك. یوباندیغیمیزا گؤره، استادیوم دولموشدو. (6) آغ ساققال بیر آغا، بیزیم آياق اوستده قالماميزي گؤروب یانیندا اوتورانلاردان ایسته دی بیزه یئر آچدیلار. هله بایراقلاریمیز كاپشنیمیزین آلتیندایدی. یانیمیزدا كیلاردان سوروشوب گؤردوك، بیزدن قاباق، تراختور بیر گل ماشینا ووروب! آغا، یئنی یئریمیزی تاپمیشدیق آیاغیمیز دوشدو ماشین دا بیر گل تراختورا ووردو!

ماشین عشقی قارداشیملا منی جوشدوروب بایراغلاری گؤیه قالدیردیق، دئمه اوتورموشوق تراختور چولارین آراسیندا! سیگار چكنلر سیگار توستوسو، چكمه ینلرده حیرصلرین اوزوموزه پوفله ییر، اویونون سونونا كیمی داور آفساید توتدوقجا بیزه باخیرلار، كرنر گؤسته ریر بیزه حیرصله نیرلر! بیزده یالاندا «اولیمیزدیر استادیوما گلمیشیك، باغیشلا یین بیلمه دیكدئییب جانیمیزی قورتاریریق!!!

ائله اؤزوموزو ایتیرمیشدیك بیلمیردیك مئیداندا نه لر اولور؟ اویون قورتولوب استادیوم بوشالا- بوشالا بیز هله اؤزوموزو تاپمامیشدیق! سونوجو دا بیلمیردیك. اونا گؤره یولدا بیر نفردن سوروشدوق دئدی: «بیر- بیره اولدولارایندی ایسه ماشین ایكینجی لیگ ده توپ اوینايير بیزلرده بو تیمین يوخاری گلمه آرزیسیندا اوره ییمیزی یئییریك!

بو خاطیره نی یازماقدا ایسته دیم سیزین هاوانیزی ده ییشیب «90» وئریلیشینین هاواسینا قوناق ائدم. همی ده دوخسان وئرلیشیندن ایكی آگهی، پیس سؤزلر صفحه سینده چاپ اولماق ایچین دفتره یئتیشیب! دئییبلر حتمن پیس سؤزلر صفحه سینه وورون کی او صفحه نین اوخویانی چوخدور! بو اؤزو یاخشی بهانه اولوب بلكه بیزده سؤزوموزو «90» ایله عادل بیه یئتیرك (7) آگهی لرین بیری «مژده- مژده» بیری ده «آگهی مناقصه» آدی ایله دفتره یئتیشیب.

«مژده ................ مژده»

اینك كه عملی شدن شعار چندین دهه ای «یئل یاتار، طوفان یاتار، یاتماز تراختور بایراغی» طرفداران پر طرفدارترین تیم ایران یعنی تراختور، بعد از 7 سال دوری این تیم از سطح اول فوتبال تمیز!! ایران برای من ثابت شد، اعلام می دارد جهت فرار از تحریم برنامه 90 از جانب تیم ها و طرفدارانشان همچنین ترس بنده از منشوری شدن خود، مانند بعضی از بازیكنان و مربیان، شعار «یئل یاتار، طوفان یاتار، یاتماز عدالت پرچمی» خود را كه تازه یاد گرفته ام شعار فصل بعد برنامه 90 انتخاب كرده و از طرف بعضی از میهمانان عزیزم كه به عنوان كارشناسان داوری در برنامه حضور پیدا می كنند و در دوران جوانی خود، در داخل میدان هر پیشیك آسقیرماغی را خطای پنالتی علیه تراختور اعلام كرده اند و حالا در كسوت كارشناسی هر خطایی بر روی بازیكنان تراختور را در محوطه جریمه پنالتی نمی دانند از جامعه فوتبال علی الخصوص تراختورچولار عذرخواهی كرده و مژده اجرای برنامه عادلانه برای همه تیم ها را اعلام می دارم.

همه كاره برنامه 90: عدالت خان!!

+ نوشته شده توسط پیس اوشاق در شنبه بیستم اسفند 1390 و ساعت 14:33 |

بو ایل بایرامدا، آبام (1) تبریزه قوناق گلمیشدی. بیزیم بو آبا بچه تهرون!! اولدوغونا گؤره، دولانماغا آپاراندا، بیله سین كیلاسلی یئرلره آپاریردیق بلكه گئدیب، تبریزه گؤره تهرانداكی قونشولارینا بانك (همان باح!!) قویماسین!

گونلرین بیر گونونده آبرسان مئیدانیندان، چای قیراغینا ساری گئتمك ایستیردیك، آبام نرده لری گؤرونجه سوروشدو:

- ای جیران بالای من! بو نرده لر نه دیر؟ خیاوانین او الینه نئجه آتلایاجاییق؟ بو نرده لرین پنجره لری، پنجره لرینین پرده سی هانی؟

- «آی آبای مدل بالای سابق، مادر بزرگ مدل پایین كنونی من! به زودی در این مكان پنجره با پرده هایش نصب خواهد شد. سن نگران اولما! پله برقی مكانیزه عابر پیاده میز واردئییب پیاده لرین كؤرپوسونه دوغرو گئتدیك.

پیلله لرین بیر طرفی نین كؤكوندن یوخ اولماغین گؤروب، جریانی آباما دئدیم. آبا تئز بیر قلم- كاغید چیخاریب یازدی:

آگهی گمشده

یك دستگاه راه پله برقی پل عابر پیاده مكانیزه چهار راه آبرسان گمشده است. از یابنده تقاضا می شود مراتب را جهت خوشحالی سالمندان به اطلاع مسئولین ذیربط برسانند تا هر چه سریعتر در جای خود نصب شود.

آبام بو آگهی نی منه وئریب دئدی: بوندان بیر نسخه سین پیس سؤزلر صفحه سینده، بئش- آلتی سیندا تبریزین دووارلارینا وور بلكه تئز تاپیلسین!

من ده كی اوتاندیغیمدان (2) تر تؤكوردوم آبامین دئدییین یئرینه یئتیریب پله برقی نین ایلك پله سینده دایاندیق. دئمه بو پله لرین برقی ده یوخ ایمیش. هایی قاباغا سالیب.

«آبا! ائله بیل برقلر گئدیب پله لر ایشله میر آما قورخما ها! همشه كی كیمی قوللوغوندایامدئییب دوخسان بئش كیلولوق آبامی دالیما آلیب (3) پیلله لری چیخارتدیم!!

گئجه ائوه ساری قاییداندا بو پیلله لرین باغلی قاپیسی ایله اوز به اوز اولدوق داها آبامی نرده لرین اوستوندن آتلاتماغا گوجوم قالمامیشدی. الیندن یاپیشیب «حلمه دربندی» آغزینا كیمی یئرده گئدیب نرده لرین آراسیندان بیر پیشیك یولو تاپیب اؤزوموزو خیاوانین بو الینه چاتدیردیق!

اوتانمازچیلیقدیر! اوغلوم آتابی ین (4) هر یئنی بیر زاد گؤردویونده بیر سؤزو وار دئیير: «بو نه مد دور» ائشیدن اولسا من ده هامان سؤزو دئیيرم.

گئجه لر بو شهرین بعضی پیاده كؤرپولرینین قاپیسینین باغلانماسی، بعضی مئیدانلارینین یاشیل- قیرمیز چیراغ یئرینه، یالنیز ساری چیراغین یانیب- سؤنمه سی نه مد دور؟ آبرساندا كی پیاده كؤرپوسونون برقی نین اولماماغی، بیر طرفینین كؤكوندن یوخ اولماسی نه مد دورۀ؟!!!


اتک یازیلار :

1) آنامین آناسی (ائله قاداسین آلیم)

2) مسئولین ذیربطین یئرینه

3) مردان آهنین ساغلیغینا

4) هامیزین نؤكری

+ نوشته شده توسط پیس اوشاق در شنبه بیستم اسفند 1390 و ساعت 14:32 |

دئییر قدیم زامان بیر یئییمجیل كیشی وار ایدی. بو كیشی هر یئمك یئدیكجه قادینی یاپدیغی چؤركلرین بئشین یئیيرمیش. قادین اؤزو اؤزویله، بیرده تندیر سالیب چؤرك پیشیرنده كونده لری كیچیك سالماغی دوشونور، بلكه اری بئش بؤیوك چؤروك یئرینه بئش كیچیك چؤرك یئسین. قادین بو ایشی ائدير آما اری نین قارنی هر یئمكده یئددی چؤرك ایله دویور!

بیر- ایكی گون قاباق ائوه ساری گئدیردیم. یولدا گؤردوم باشینا دولاندیغیم دونیا، باشیما دولانیر. او یاخینداكی دوستومون توكانینا گئدیب بیر كلوچه آلیب ائله اوردا اوتوروب یئدیم. قالخدیم آیاغا گؤردوم دونیا باشیما دولانماقدان یورولماییب. اوتوروب بیرینده یئدیم. یئنه ده قالخدیم آیاغا گؤردوم خئیر بابا! بیر عؤمور باشینا دولاندیغیم دونیا ایستیر بیر یئرده خجالتیمدن چیخسین! بیرینده یئدیم، یئنه ده آیاغا قالخدیم، بو دؤنه هر زاد یئرینده ایدی. هره سی ایكی یوزتومندن، آلتی یوزتومنلیك كلوچه یئییب دونیانی یئرینه اوتورتددورموشدوم.

دوستومدان سوروشدوم: «آی بالا! كلوچه لرین قارین دویوران دئییل یوخسا منیم بو كوره ییمه یاپیشان قارنیم دویمور؟»

هئچ زامان آغلیما گلمه ین جواب ایله قارشیلاشدیم. دوستوم دئدی: «بیر ایل یاریمدیر بو كلوچه لرین قیمتلری توکانداكی بیر چوخ جینسلره تای قالخماییب ...»

یولداشیمین سؤزون یاریدا كسیب دئدیم: «تورم بونلارا گلمه ییبمی یوخسا سن اؤزونو اوجوزچول بقال سانیرسان؟»

دئدی: «یوخ یازیق! بو كلوچه، پفك، بیسكویت، سس، كیك، چیپس، ماكارونی و باشقالارین كی گؤرورسن قیمتی باهالانماسین دئیه وزنین آزالدیب بیر آزدا بسته بندی نین ایچینه یئل دولدوروبلار(8) دئمك ایندی سنین اوچ یئدییين كلوچه، بیر ایل یاریم بوندان اؤنجه یئدییين بیر كلوچه دن بیر آزجا آغیردیر. اینانماسان وزنینین آزالماغین و قیمتین یئرینده قالماغین بسته بندی نین اوستونده گؤره بیلرسن كی اونون دا نئچه قیرامی یئلدیر! او زامان یئدییین كلوچه نین آغیرلیغی اوستونده قالسایدی ایندی هامان كلوچه نی بئش یوز تومنه ده آلا بیلمز ایدین، گتیریب كلوچه و باشقالارین یونگوللـه دیب عوضینده قیمتلرین یئرینده ساخلاییبلار مثلا تورم اولماسین(9)»

یاخشی هله بونلارین آغیرلیغیندان آزالسادا، قیمتلری چوخالماییب آما گؤزوموزون اؤنونده چؤركچیلرین كونده لری كیچیلیب هئچ، گون به گون قیمتلری ده قالخیر!!


اتک یازیلار:

8) دوولتلی چوخ بیلمیش اولار، یئلی ده پولا ساتیر!

9) او قادینین كونده لری نین مسئله سی!

+ نوشته شده توسط پیس اوشاق در شنبه بیستم اسفند 1390 و ساعت 14:30 |

یئنه ده آی بالا! دونن گئتمیشدیم آرژانتینه! یئرینیز بوش، مارادوناگیلده یدیم. اوردان- بوردان قونوشوب یئتیشدیك تراختور مسئله سینه. تراختورچولارین سایی سین گؤرندن یازیغین آغزی آچیق قالديقدان جیریلمیشدی! دئییردی: «كاش او زامانیم اولایدی تراختور دا توپ اوینایا بیله یدیم!!» مندن سوروشوردو كی: «ایرانین لیگی قورتولاندان تراختوردان خبر- اتر یوخدور، نه اولوب؟» گؤردوم مارادونا بیزدن چوخ تراختورون فیكرینده دیر.

ایندی كی بوجور اولدو یاخشیدیر «شفق» بَیه دئیم كی: «آقای شفق! بو ایل كئچن ایله بنزمزها نتیجه آلمادیقجا دئیك: «عیبی یوخبو ایلدن نتیجه آلمایاندا دئیه جه ییك: «عیبی چوخبه ال- آیاق ائله آخی قادان دیسین منیم بو اوره ییمه! فصل نقل و انتقالات قورتولدو، سن هله كئچن ایلین نیم فصلی كیمی دانیشیرسان، بیرآز دا یوبانسان تؤر- تؤكونتولری قالاجاق ها! الیزده كیلری ده كی دال با دال الدن وئریرسیز...!

+ نوشته شده توسط پیس اوشاق در شنبه بیستم اسفند 1390 و ساعت 14:29 |

آی جماعت! آللاه ائله مه سین، بئش- آلتی یوز ایل سونرا قضا گلدی(2)، ووردو من اؤلدوم، ایر تبریزین خیاوانلارینین بیریسی نین آدین «پیس اوشاق» خیاوانی آدلاندیردیلار، عیبی یوخ! مجسمه می ده خیاوانین باشیندا نصب ائله دیرلر، یئنه ده عیبی یوخ! یالنیز مجسمه می قوروماغا گرك دوز- عمللی فیكر اولونا. البته اوگونه كیمی انشاالله اوغرولارین نسلی كسیلر آما بشر چیی سوت امیب، آی جماعت!

دیلیمدن اینجییه­نلرین سایی گون به گون آرتیر(3) مجسمه مین جینسی پالچیقدان اولسا، داها امنیتلی اولار. دیلیمی كشویی جورله سینلر كی امنیت اولمایان زامان مسئولیت امر دیلیمی چیخاردیب امن بیر یئرده ساخلاسینلار. یئنه ده امنیت برقرار اولاندا گتیریب يئرینه قویولسون! شوكر اولسون! هوققولو ائویم ده یوخدور کی من اؤلندن سونرا اورانی خانه­ي پیس سؤزلردن، طنزدن، زادان ائله سینلر. سونرا دا گتیریب «لودر» سالدیریب بیلمه یه بیلمه یه ییخسینلار! ییخاندان سونرا دا مسئوللار هره بیر تهر اورك یاندیریب دؤشونه دؤیسون كی: من ائله میراث قوروقچو سویام بئله ...

هئچ كیم ده دئمه سین ندن ائو صاحیبی اولمامیشام! آخی ایندی ائو اولسون 5 میلیون! منیم 5 میلیونوم هاردایدی ائو آلام. یئنه ده مسكن مهر ده یاتیردیغیمیز قیزیللار قالسایدی بیر سؤز!!

دای دئمه یین وام گؤتور! قادانی آلیم! وام گؤتورمه یه ضامین ایستیر. من ده گئدیم «گول بادام خانیما» آغیز آچیم كی ایندییه دك 100 دفعه قورخولوغومو گؤتوروب، 50 دفعه قیرخ گؤز ائدیب، ان آزی 10 دفعه بیله مه اوزرلیك سالیب و ... یازیق یاشلی قادیندیر هئچ نه یی ده یوخدور ضامین قویسون! گئدیم «میرزا آغا گولشچی» یه دئییم كی ایندییه كیمی هئچ اولماسا اون سئری گولشمیشیك هامی سیندا دا من قابیرغاسین اوغموشام، 50 سئری ده او منی اؤز ادبی ایله ییخیب!(4) اودا بیلی یورد اؤیرنجی سیدیر، هاردان منه ضامین اولاجاق؟


اتک یازیلار :

0) هه! هله اوخومامیش اتك یازیلاری نه یه آختاریرسان؟ بشر چیی سون امیب دای! اممه ییبمی؟

1) اوچونجوسون سیز سئچینیز! من کی ال چکن دئییلم!

2) آغزیما داش- توپراق

3) او قدر گؤزو گؤتورمه ین وار كی!

4) اوندان دا یاخین یولداش

+ نوشته شده توسط پیس اوشاق در شنبه بیستم اسفند 1390 و ساعت 14:28 |

بيزيم اؤلكه ده نئچه- نئچه صانديق اولا- اولا ديلنچليك ييغشا بيلمه ييب. تبريزده يالاندان يئره «ديلنچي سيز شهر» آدلانيب، آما بيزيم اؤلكه نين بير ديلنچي سي وار بوتون صانديقلاردان چوخ ايشله يير.

بو كؤهنه ديلنچي نين آدي مخابرات دير! يامان دا اويون يازديلار، هله اويون اويناديقلاري بير طرفه بو ديلنچيليك لري لاپ زهله مي آپارير! دائمي سيم كارتلاري بو بازاردا يوزمين تومندن آشاغي دئييل، ايندي بيرينين قبضي اون بئش مين تومن گليب، طرف قبيض پولون تؤكمه سه، اون بئش مين تومنه گؤره، يوزمينليك سيم كارت مسدود مي باشد!!!

دئييرم بو ديلنچيليك دئييل به نه دي؟ هله بير آي داها دؤز، گؤردون سيم كارتين ديريندن، چوخ اولدو بورجو، سيم كارتين قاباغين باغلا داي! مشتري يه بئله دير وئررلر آخی ؟

+ نوشته شده توسط پیس اوشاق در شنبه بیستم اسفند 1390 و ساعت 14:27 |

الآفتاب الآذربايجانين الايكينجي ان الجوخ اوخونان الصحيفه سينه اهلا و سهلا! (0)

مخاطب الكرام السلام عليكم؛ همي يهلوني همي ده كيف انت؟ تفضل الاكلموا هذا متن الانتقاديه !!!

(1) انا اسمع الخليج الفارسين آدين الخليج العرب قويوبسونوز! يئنه ده اهلا و سهلا و اما بعد الفوت الوقت! تفضل ان آجي الجواب:

الاولا: سيز العربلر، بيت المقدسين الصهيونيستلرين الينه دوشمه سينه ندن اولوبسونوز، بئله باشاريلي اولان، آياغين مئيداندان گئري چكمز! بيت المقدس موسلمانلارين ايلك قيبله سي، ايسلام دونياسينين قوتسال يئرلريندن بيريسي دير. بونو الخاطر المباركينيزدن چيخارتماييب، يالنيز الاسرائيل ايله جي جي باجي اولماغينيزدان بير آز اوتانين! القسمت الجنوب همن بو خليج فارس، الآمريكاليلارين الحربي گمي لرينين الباركينجي (2) اولوب! ياخشي اونلارلا يولا گئده بيلرسينيز؟! اولمايا همن بو الآمريكاليلارين التحريكي ايله خليج فارسين آدين دييشيرسينيز؟!

الثانيا: من الخليج الفارسين قونوسوندا، التواريخ العهدالدايناسور الي التواريخ العصرالاينترنته كيمي آراشديرديم سيزه العايد اولان بيرزاد تاپا بيلمه ديم!

الخلاصه الآراشديرما:

سومرلر ميلاددان 4500 ايل اؤنجه دن الاراضي الشمال الخليج الفارس دا دونيانين ايلك التمدنين قوربولار. بو دنيز توركلرين بؤيوك آتا- آناسي اولان التصاقي ديللي سومئرلرين الینده اولدوغونا گؤره ايلك اولاراق «كنگر» خليجي آدلانيب (3) «طبق برسي هاي جديد محققان، نخستين نام خليج معروف به فارس، خليج كنگر مي باشد» (4) دئمه لي يم كنگر ائلي سومئرلرين ايكي اصلي ائللرينين بيريسي نين آدي دير. ايندي سوروشاجاقسان كنگرين نه ربطي وار سومئره؟ ايهاالاخي! به آذري نين نه ربطي وار توركه؟ بئلنچي زادلار ايندي ده «مد» دان دوشمه ييب. قدیم دن ده واریدی. المثال الاضافي: بيزيم شهرلرين آدي دا هردن يالنيشجاسينا نقشه لرده يازيلير: تيكان تپه: تكاب، ملك كندي: ملكان، ماراغا: مراغه، كوجووار/ گوجووار: كجا آباد، يام: پيام و ...

الثالثا: خليج كنگرين آدي، گومان ميلاددان بئش- آلتي يوز ايل اؤنجه، پارسلارين مهاجرتيندن سونرا خليج پارس/ خليج فارس آدلانيب.

كسب النتيجه: التواريخ الماضي ده عرب آديندا دنيز آدي يوخوموزدور، ايندي ده اولا بيلمز!

الرابعا: يالاندان آتيليب- دوشمه يين!

انا حتی اسمع نمنه الشاعير، الفيلسوف، المخترع، العاريف، الطبيب، الطنز يازان، المورخ و بير چوخ الي!! اؤز آدينيزا چيخيبسينيز! تفضل ان آجي الجواب:

الاولا: سيز چوخ قدر- قيمت بيلن اولسايدينيز، حضرت محمد (ص) ائولادلارينين قدرين بيلردينيز. الصدام الحسين لعنت الله عليه، نجف- كربلاني توپا باغلامادي مي؟ بقيع قبريستانيندا يامان حؤرمت ائديبسينيز! باشينيزا من يئكه ليكده داش دوشسون!

الثانيا: ابوريحان بيروني، ابو علي سينا، فارابي، مولوي چوخو تورک دور و ایران دا یاشاییردیلار. المثلا ابوعلي سينا، كيتابلارين العرب ديلينده يازماغي، اوزامان عرب ديلينين ايسلامي اؤلكه لرده ديني- علمي ديلي اولماسينا گؤره دير ابوعلي سينا نين عرب اولدوغونا گؤره دئييل!

الثالثا: (التواضيح المختصر: سايين الغير الغرب اوخوجولار! مطلبين بوراسينا كيمي، الامارات المتحده العربيه نين اميري نين بو غازي ايله اوخودونوز! بو اميرين ده بوغازي چوخ- چوخ گن دير. ايرانين ابوموسي، تنب بزرگ و تنب كوچك جزيره لرين اؤزونون كي بيلر (5) بو غازينيز آغريسا بير ليوان داغ سو ايچيب مطلبين قالانين اوخويون!) تاجيكيستانليلاردا سيزدن اؤيره نيب «رودكي» ني اؤزلرينين كي بيليرلر، صاباح بيريسي گون ده قورخورام افغانليلاردا همي فردوسي ني همي ده فردوسي پورو اؤزلرينين كي بيله لر!

الرابعا: بو گونلر ايبرو گوندش، بير تبريزلي گنج ايله ائوله نيب يا اخي! بيزده گليب دئيه بيله ريك قوربانی اولدوغوم ايبرو گوندش تبريزين اورتا گؤبه ينيدن دير؟ الحق و الحساب وار يا اخي! (6)

الخامسا: اوتانماسانيز «جاسم كرار» ين تراختوردا اويناديغينا گؤره دئيرسينيز التراختور التيمي ده العرب دير! (7)

السادسا: من بو المتن الانتقادي ني في السان العربيه بنحو الاحسن و السليس التحرير ائله دي ييمه گؤره قورخورام آديمي البيس الاوشاق قويوب دئيه سينيز بو اوشاق اؤزوده العرب الطنز يازاندير و بودا الاثري!

+ نوشته شده توسط پیس اوشاق در شنبه بیستم اسفند 1390 و ساعت 14:26 |

دونیانین ایلک خودمختار صفحه سینه خوش گلیبسیز!

هدفمند یارانه لرین پوللاری جماعتین مسدود حئسابلارینا تؤکولن گونلرین بیرینده سحر ائودن چیخاندا خانیم تاپیشیردی: «ناهارا گلنده بیر تای (1) دویو آلارسان. قوناق گلسه، ائوده دویو آثاری یوخدوربیز یئديييميز دویونون اون کیلولوق تایلاری 17 مین تومن ایدی. ناهار چاغی ایللر بویو مشتریسی اولدوغوم سوپرمارکته گئدیب بیر تای دویو ایسته دیم:

-سلام علیکم حاجی! بیر تای دویو ایستیردیم.

- علیکم سلام پیس اوشاق! چوخداندیر یوخسان؟ اولمایا نسیه بیزدندیر نقدین قونشودان؟

- یوخ حاجی. نقدیمیمز هاردایدی؟

- حضرت عباسا آند اولسون (2) قونشوموز حاجی اولاجاق. دویولری ساخلامیشام اونون قوناقلیغینا...

- به بیز نئیله یک؟ حاجی باشینا دولانارام قوناغیمیز گله جک، معطل قالاریق...

- …

ناهار چاغی الی بوش ائوه گلدیکده خانیم دئدی: «سنین ده ائله اوزون او کیشی یه اؤیرنیبب. گئت باشقا بیریندن تاپ دا! دویو قیتلیغی دئییل کی

آخشام چاغی ایشدن گلنده هارا باش چکدیم هره بیر تهر دیل دوداغین اوینادیب ایسته دیییمدن باش آتدی. دئمه یارانه لرین پوللاری جماعتین حئسابینا تؤکولوب و آل وئرچی قارداشلاریمیز اؤز قازانجلارینا گؤره ال ساخلاییبلار. هامی منیم کیمی الی له ایشله ین اولماز کی هئچ زاددان خبری اولماسین. تجربه نیشان وئریب اؤلکه میزین ان آییق آداملاری آل وئرچیلردیلر.

اوچ-دؤرد گون بو اولایدان سونرا نسیه چی سوپرمارکت منی سسله ییب دئدی: - اشی! او گوندن بری ائله بیل مندن کوسوبسن. گل بیر تای دویو وئریم آپار کئچین، گؤرک سونرا نه اولور.

سئویندیییمدن بیلمیردیم نه ائدم. توکانا گیریب گیرمه میش حاجی دئدی: - البته دئییم ها، دویو یامان باهالاشیب. من اؤز مشتریلریم ایله کئچینه رم!

- منه نئچه دن حئسابلایاجاقسان حاجی؟

- دویونون قیمتی ایندی چوخ یوخاری دیر. سن آپاران مارک دا باهالی دیر آما من سنه 24 مین تومندن سالاجاغام.

گؤردوم یئددی مین تومن کئچن هفته یه گؤره باهالاشیب. ایسته دیم آلمایام. لاپ دوزو قورخدوم آلام خانیم ساواشاکی باشینا بؤرک قویوبلار. اونا گؤره دئدیم: - دئییرم حاجی اولماسا قونشونوز مکه دن قاییداندان سونرا گلیب آپارام. قوناغی چوخ اولار شرمنده چیلیک اولار.

- یوخ بابا! اون نفر آز چاغیرار دای! قیامت اولماز کی!

بهانه ائدیب دویونو آلمامیش قیامت قوپاندان توکاندان چیخدیم. یولدا پیشیک آسقیرمامیش جئیران داغینا چیخمیش تورم فیکیریمه ایلشمیشدی. بو حئسابلا بیر هفته یه تورمک یوزه قیزخ آرتمیشدی. ایندی هانسی مسئولدان سوروشسان تورمین نیرخی نئچه دیر، دئیر: یوزه دوققوز! (3)

هرحالدا باهالیغین گوناهی یوزه اللی دؤولتین بوینونادیر. مثلاً بو ایل تاکسی ان کیچیک مسیرلرین کیرایه سین 100 تومندن 125 تومنه آرتیردی. اینصافا دورساق بو 25 تومنین گوناهی شوفئرلرده دئییل دی! آما ایندییه دک هانسی تاکسی شوفئرینه 150 وئریبسن، 25 تومن قایتاریب؟!

گونلرین بیر گونونده اوسته سؤیله دیییم دویونون ناغیلین اعتراض اوچون 25 تومن چوخ چیخان شوفئرلرین بیرینه سؤبله دیم. میرتا سالیب دئدیائله بیزیم ده قونشوموز حاجی اولاجاق. بو 25 تومنلری ییغیب ساخلاییرام طیاره دن دوشنده حاجی قونشوموزون باشینا سپم!»(4)

دئییرم ائله آرادا یازیق اولان منیم کیمی خصوصی شیرکتلرده چالیشان آداملاردیر! ائله واخت اولور اوچ آیلار ایله پول اوزو گؤرموروک «نییه» سی د ه ایخراجدیر! (5)

اؤلکه میزین باهالیغینین یاریسینین ندنی دؤولت اولورسا یاریسی میللتدندیر. قوربان بایرامی ایکی اوچ ایل بوندان قاباق بیر ائوه گؤروشه گئتمیشدیک. خئیری اولموشلارین بشقابلاری واریدی! دانیشیقلاریمیزین آراسیندا هردن بیر تیلویزیونا ساری گؤز یاییندیریب بشقابا قویولموشلارا باخیردیم!(6)

رئکلام واختی قوربان بایرامینه گؤره تورکیه نین جور به جور شیرکتلرینین یوزه ییرمی دن یوزه اللی یه کیمی ائندیریملریندن(7) هویوقدوم(8). اوردا قوربان بایرامی هئچ ایلین باشقا بایراملاریندا و اوروجلوقدا جماعتین لاپ چوخ احتیاجی اولان جینسلرین قیمتلری اوجوزلاشار. بیزیم بوردا هئچ گؤرموسوز اوروجلوقدا بیرزاد باهالاشماسین؟ بوردا پوللو-پارالیلاریمیز یالنیز اؤز قازانجلارین دوشونوب اوروجلوقدا و بایراملاردا اؤز باشینا قیمتلرین اوستونه چکیرلر! ایندییه دک کیمسه ائشیتمه ییب بیرینین توکانین باها ساتماغا گؤره باغلاسینلار.

بیرده سیزه بیر سؤز اؤیره دیم کیمسه یه دئمه یین! هاچان گؤردونوز مسئوللارین بیری چیخیب دئدیفیلان مناسبته گؤره فیلان جینس به حد کافی آنبارلاریمیزدا ذخیره اولوب» بیلین کی او جینس باهالاناجاق!

+ نوشته شده توسط پیس اوشاق در شنبه بیستم اسفند 1390 و ساعت 14:24 |


آفتاب آذربایجان، آذرگون، آذربایجان گونشی و هر اسمی که برایش گذاشته بودند و یا گذاشته بودید، دیگر همانند گذشته نخواهد درخشید. آفتاب آذربایجان منتشر خواهد شد اما نه با کادر فعلی، با کادر جدید و متفاوت.

از جزئیات فشارهایی که بود سخن نخواهم گفت. چراکه همه شما به این مسائل عادت کرده‌اید و حدسهای درستی خواهید زد. اصولاً همه اعضای کادر قبلی آفتاب آذربایجان سالها بود که خود را برای اینچنین موقعیتی آماده کرده بودند. نشریه ای که بیشترین مخاطب را جذب کند، تورکی بنویسد و مختص آذربایجان باشد، مستقل باشد، به نسبت دیگر نشریات آگهی بیشتری داشته و کلفت تر باشد، مرتب منتشر شود، قیمتی در حد نشریات سراسری بزند و بفروشد و … اینچنین نشریه ای همیشه یک استرس پشت سرش دارد. اینکه تا کی دوام می‌آورد!!

من به شخصه اعتقاد دارم ما در این پنج سال که متأسفانه امکان نشد حتی شماره سالگرد ششمین سال را منتشر کنیم، هر آنچه که در توانمان بود، برای انتشار نشریه به بهترین شکل ممکن انجام دادیم. می‌دانم که همکارانم و خوانندگان نشریه نیز اکثراً این گفته را تأیید خواهند کرد. مخاطب بالای نشریه گواه این موضوع است. نشریه ای که در این دوره 500 تیراژی مطبوعات استان، حدود سه هزار نسخه فروش داشت و هر شماره پی دی اف آن بیشتر از 3000 بار دانلود می‌شد و هر جلدش توسط چندین نفر خوانده می شد. مقدار مخاطب به یک طرف، کیفیت مخاطب نیز قابل توجه بود. مخاطبان گسترده از سواد ابتدایی تا استادان بزرگ، از کودک و نوجوان تا کهنسال، از قشر ضعیف جامعه تا قشر مرفه، همه خواننده این نشریه بودند و اغلب هم خواننده دقیق. آنچنان دقیق که گاهی اس ام اس هایشان نکته‌هایی را می‌گفت که خودمان نیز متوجهش نشده بودیم. ما در این پنج سال دروغ ننوشتیم، چاپلوسی نکردیم، اشتباه عمدی نداشتیم، صمیمی بودیم و ارتباط دو‌طرفه با مخاطب داشتیم. بدون شک نتیجه نظرسنجی از مردم در نمایشگاه که نقاط قوت نشریه را بیان دردهای آذربایجان به زبان ساده، نوشته شدن به زبان تورکی، پرداختن به آذربایجان و صمیمی بودن، صادق بودن و ارتباط با مخاطب می‌دانستند بر این گفته من مهر درستی خواهد زد. ما در این پنج سال رسالتی که در بین مطبوعات استانی فراموش شده بود را انجام دادیم. در دورانی که نود درصد مطبوعات رپرتاژنامه شده و فقط از مسئولان استانی تمجید می کردند، با آشیق ها مصاحبه کردیم، از کسانی نوشتیم که عمری را صرف کاری کرده بودند و فراموش شده بودند، هنرمندان، نویسندگان و قهرمانان را معرفی کردیم، مردم عادی را به صفحات نشریه آوردیم و حرفهایشان را چاپ کردیم، آثار و مکانهای تاریخی را معرفی کردیم، از شخصیتهای تاریخی نوشتیم و کتاب معرفی کردیم. ظاهراً گناهی که نابخشودنی است.

آفتاب آذربایجان همانطور که خود رشد می کرد، کلفت تر می شد، تخصصی تر می شد، باعث رشد نویسنده‌هایش و مخاطبانش نیز شده بود. اغلب نویسنده‌های نشریه و همکارانمان کار جدی مطبوعاتی خود را از آفتاب آذربایجان شروع کرده و هر کدام امروزه تبدیل به نویسنده‌هایی صاحب نام شده اند. شاید بتوان آفتاب آذربایجان را یک آکادمی آماتور نامید. از بین خوانندگان نشریه عده زیادی جرأت دست به قلم بردن پیدا کردند و بعضی‌ها حتی نویسنده ثابت آفتاب آذربایجان شدند. همین خود برای ما افتخار است و نشان اینکه رسالت مطبوعاتی مان را به درستی انجام داده‌ایم. چه سعادتی از این بالاتر که بسیاری با خواندن آفتاب خواندن و نوشتن زبانی را آموخته اند که کلاسی برای آموزشش نداشته‌اند و قلمی به دست گرفته‌اند که جرأت به دست گرفتنش را نداشتند. تنها دلخوشی من همین می‌تواند باشد که امیدوار باشم با این وداع قلم از دست این افراد نیفتند و این موضوع دلسردشان نکند. شاید حافظه‌ام به تمامی یاری نکند اما از ابوالفضل ثوابی یا همان پیس اوشاق که می‌تواند عزیز نسین آذربایجان باشد، از یاسر ارتشی یا همان میرزاآغا گولشچی که ذهنش خلق شده است تا متفاوت بیندیشد، از حسن مرادی که مطمئنم در آینده نزدیک به یکی از نویسندگان قدر آذربایجان بدل خواهد شد، از مریم چرخ انداز که قلم و ذهن خوبی برای نوشتن و ترجمه کردن دارد، از ساناز شهابی که استاد انجام دادن کارهای غیرممکن است، از پدرام بگلو که می‌دانم شروع به نوشتن یک کتاب تاریخی کرده است، از هادی نظری که سرش برای نوشتن درد می کند، از حسین واحدی که هر روز نوشته هایش بهتر می شود، از آتیلا سلمانی که ذهن متفاوت اندیش گرافیکی فوق‌العاده اش را همه می‌شناسیم، از افخم ابراهیمی، شیوا حاجی محمدی، صیاد فیضی، یعقوب کامرانی، لیلا چرخ انداز، واله شیری، میرهدایت سید مرندی، جواد آقایاری، اصغر اسدی، سهیلا صدیقی، ثریا قاسم زاده، هادی درخشان، وحید چیره دست، رقیه کبیری، امید بنام، حمید والایی، فریدون مصطفی پور، سهند نظمی، ملیحه عزیزپور و از سایر نویسندگان و خوانندگان از قلم افتاده نشریه تشکر کرده و درخواست می‌کنم قلمشان را زمین نگذارند.

همانند حسن ختام هر کاری، با تمام شدن مسئولیت انتشار آفتاب آذربایجان، باید از تمام کسانی که به نوعی کمکی به انتشار این نشریه داشته‌اند تشکر کنم. بدون شک افراد زیادی می توانستند به این نشریه آگهی بدهند اما با وجود ادعای فرهنگی و … ندادند. در عوض کسانی بودند که نیازی به آگهی نداشتند اما آگهی می دادند. از آگهی های تمام صفحه بگیرید تا یک کادر. بدون شک اگر بخواهیم اسم ببریم باید از صدها نفر یاد کنیم. اما شاید بتوان از خوانندگان محبوب آذربایجان همانند مسعود امیرسپهر ( که همانند اسپانسر دائمی تنهایمان نمی‌گذاشت و مدیونش هستیم)، رحیم شهریاری، مسعود فلاح و آیتام نام برد و تشکر ویژه کرد. از تمام کسانی که نشریه را می خریدند و بخصوص کسانی که آن را هدیه می دادند، اس ام اس می‌زدند و در مورد مطالب نظر می دادند، به دفتر نشریه می‌آمدند و مطلب می‌دادند تشکر ویژه ای می کنم. از تمام کسانی که کارهای فنی همانند چاپ لیتوگرافی، صحافی و توزیع نشریه را انجام می داند. و از همه بیشتر از مدیر مسئولمان، علی تشنه دل که تا آخرین لحظه حامی ما بود و همه همکارانی که بیشترشان بدون دریافت یک ریال، هر کاری برای نشریه از نوشتن بگیر تا حتی کارهای دفتری و بدنی، انجام می‌دادند و منتی برای کارهایی که انجام می‌دادند نداشتند. بیشتر از یک مینی بوس انسان! که در لحظات خوشی و ناخوشی در کنار هم بودند.

ما ادعا نداریم که مشکل مالی نداشتیم. همیشه از این بابت نالیده ایم اما با وجود این همیشه توانسته بودیم بر آن غلبه کنیم. دوست ندارم اینطور القاء شود که مشکل مالی باعث این تغییرات شده است. کادر قبلی بر اساس بعضی مصلحتها و از برای دست نرفتن زحمات پنج ساله شان، ترجیح دادند کنار بکشند و اینک کسان دیگری مسئولیت انتشار آفتاب آذربایجان را برعهده گرفته اند. البته از بین کادر قبلی تعداد اندکی بر اساس طرز فکر و انگیزه‌های خاص خود به همکاری با آفتاب آذربایجان جدید ادامه خواهند داد. من نیز نمی‌خواهم در این مورد پیش‌داوری کنم و آرزویم این است که آفتاب آذربایجان از آنچه که بود بهتر شودما تنها می‌توانیم امیدوار باشیم که آفتاب آذربایجان حداقل با همان کیفیت قبلی منتشر شده و خدای نکرده از سطح مطالب و تعداد صفحات کاسته نشود


علی فرهاد

مدیر اجرایی و سردبیر سابق ماهنامه آفتاب آذربایجان

+ نوشته شده توسط پیس اوشاق در پنجشنبه یکم دی 1390 و ساعت 12:56 |